မြန်မာစစ်အုပ်စုက လူသားချင်းစာနာထောက်ထားမှုဆိုင်ရာအကူအညီများကို လက်နက်အဖြစ် အသုံးပြုနေခြင်းအား ရပ်တန့်ပေးရန်

၂၀၂၁ ခုနှစ် ဇွန်လ ၂၀ ရက်

ဒေသခံ အရပ်ဘက်လူထုအဖွဲ့အစည်းနှင့် လူထုအခြေပြုအရပ်ဘက်အဖွဲ့အစည်းများမှတစ်ဆင့် လူသားချင်းစာနာ ထောက်ထားမှုဆိုင်ရာအကူအညီများ ပေးပို့ခြင်းကို ဦးစားပေးဆောင်ရွက်ပါ။ 

ကမ္ဘာ့ဒုက္ခသည်များနေ့ အခါသမယတွင် ကုလသမဂ္ဂနှင့် နိုင်ငံတကာ အသိုင်းအဝိုင်းအား မြန်မာပြည်သူများအပေါ် စစ်အုပ်စုက လုပ်ဆောင်နေသည့် အကြမ်းဖက်သော လှုပ်ရှားမှုများတွင် လူသားချင်းစာနာထောက်ထားမှုဆိုင်ရာ အကူအညီများကို လက်နက်သဖွယ် အသုံးပြုနိုင်ခြင်း မရှိစေရေး လုပ်ဆောင်ပေးရန် အရပ်ဘက်လူထုအဖွဲ့အစည်း ၄၈၈ ဖွဲ့မှ တောင်းဆိုလိုက်သည်။ ယင်းကို ရှောင်ရှားရန် ကုလသမဂ္ဂ အေဂျင်စီများ၊ နိုင်ငံတကာ အလှူရှင်များနှင့် လူသားချင်းစာနာထောက်ထားမှုဆိုင်ရာ အဖွဲ့အစည်းများအနေဖြင့် ဖေဖော်ဝါရီ ၁ ရက်နေ့ တရားမဝင် အာဏာသိမ်းရန် ကြိုးပမ်းမှု၏ တိုက်ရိုက်ရလဒ်အဖြစ် မြန်မာနိုင်ငံတွင် လူသားချင်းစာနာထောက်ထားမှုဆိုင်ရာနှင့် လူ့အခွင့်အရေးဆိုင်ရာ ဘေးအန္တရာယ် သက်ရောက်မှုခံရသူများကို အကောင်းဆုံး ကူညီပေးနိုင်ရန်အတွက် နယ်စပ်ဖြတ်ကျော် အကူအညီအပါအဝင် ဒေသခံ အရပ်ဘက်လူထုအသိုင်းအဝိုင်းများနှင့် လူသားချင်းစာနာ ထောက်ထားမှုဆိုင်ရာအဖွဲ့အစည်းများ၊ တိုင်းရင်းသားဝန်ဆောင်မှုပေးသူများမှတစ်ဆင့် အကူအညီများ ပေးအပ်ခြင်းကို ဦးစားပေးလုပ်ဆောင်ရမည်။ မြန်မာ့အိမ်နီးချင်းနိုင်ငံများအနေဖြင့်လည်း စစ်တပ်၏ အကြမ်းဖက်မှုမှ ထွက်ပြေးတိမ်းရှောင်လာသော ဒုက္ခသည်များ၏ အခွင့်အရေးများကို ကာကွယ်ပေးရန်လည်း ထိုအဖွဲ့အစည်းများက တောင်းဆိုလိုက်သည်။

မြန်မာစစ်တပ်၏ အာဏာသိမ်းခြင်းကြိုးပမ်းမှု မအောင်မြင်သည့်အချိန်မှစ၍ တိုင်းရင်းသားဒေသများတွင် နေရပ်စွန့်ခွာ ထွက်ပြေးတိမ်းရှောင်ရသူ နှစ်သိန်းခွဲ ကျော် ရှိသွားပြီဖြစ်သည်။ စစ်အုပ်စုသည် လူသားချင်းစာနာထောက်ထားမှုအကူအညီ လိုအပ်သူများထံ အကူအညီပို့ဆောင်မှုများကို အကြိမ်ကြိမ် ဟန့်တားနှောင့်ယှက်မှုများ လုပ်ဆောင်ခဲ့သည်။ ယင်းမှာ  နေရပ်စွန့်ခွာထွက်ပြေးတိမ်းရှောင်ရသူများ ကြုံတွေ့နေရသည့် လူသားချင်းစာနာထောက်ထားမှုဆိုင်ရာအခြေအနေ ဆိုးရွားနေမှုအပေါ် လူသားချင်းစာနာထောက်ထားမှုဆိုင်ရာအကူအညီများကို ၎င်းတို့၏ အကြမ်းဖက်လုပ်ဆောင်မှုများတွင် လက်နက်သဖွယ် အသုံးပြုနေခြင်းဖြစ်သည်။

နိုင်ငံတကာ လူသားချင်းစာနာထောက်ထားမှုဆိုင်ရာဥပဒေအောက်တွင် ပဋိပက္ခနှင့် ပါဝင်သက်ဆိုင်သူများအားလုံးသည် “လူသားချင်း စာနာထောက်ထားမှုဆိုင်ရာ အကူအညီများအတွက် လမ်းကြောင်းဖွင့်ရေး လုပ်ဆောင်” ရမည် ဖြစ်သည်။ ဤအချက်နှင့် ဆန့်ကျင်စွာပင် စစ်တပ်သည် တိုင်းရင်းသားဒေသများသို့ ပို့ဆောင်ပေးနေသော လူသားချင်းစာနာထောက်ထားမှုဆိုင်ရာ အကူအညီများကို ပိတ်ဆို့ခဲ့ပြီး တစ်ချိန်တည်းမှာပင် ကရင်၊ ကချင်၊ ကရင်နီ၊ ချင်းနှင့် ရှမ်းပြည်နယ်များအပါအဝင် တိုင်းရင်းသားဒေသများတွင် ပြည်သူများ သိုလှောင်ထားသော အစားအစာများကို တမင်သက်သက် ဖျက်ဆီးပစ်ခဲ့သည်။ အထင်ရှားဆုံး ဖြစ်ရပ်မှာ ဇွန်လ ၈ ရက်နေ့တွင် ကရင်နီ ပြည်တွင်းနေရပ်စွန့်ခွာထွက်ပြေးတိမ်းရှောင်ရသူ တစ်သိန်းခန့်ခိုလှုံနေသည့် ဖယ်ခုံမြို့နယ်သို့ သယ်ဆောင်သွားသည့် ဆန်၊ ဆေးနှင့် အခြား မရှိမဖြစ် လူသားချင်းစာနာထောက်ထားမှုအကူအညီများနှင့်အတူ အကူအညီပစ္စည်းများ တင်ဆောင်လာသည့် ကားများကိုပါ မီးရှို့ဖျက်ဆီးခဲ့ခြင်း ဖြစ်သည်။ “ကယ်ဆယ်ရေးပစ္စည်းများကို တမင်သက်သက် တားဆီးပိတ်ပင်ခြင်း” ဖြင့် ငတ်မွတ်မှုကို အသုံးချပြီး စစ်ပွဲ နည်းနားတစ်ခုအဖြစ် အသုံးပြုခြင်းသည် စစ်ရာဇဝတ်မှု ဖြစ်သည်။ ထို့အပြင် စစ်တပ်က လူသားချင်းစာနာထောက်ထားမှုအကူအညီပေးသည့် လုပ်သားများနှင့် စေတနာ့ဝန်ထမ်းများကို ပစ်မှတ်ထား အနှောင့်အယှက်ပေးနေပြီး ရှေ့တန်းတွင် လုပ်ကိုင်နေသူများအား သတ်ဖြတ်ခြင်း၊ ထိခိုက်ဒဏ်ရာရရှိစေခြင်း၊ ဥပဒေမဲ့ ဖမ်းဆီးခြင်းနှင့် ညှင်းပမ်းနှိပ်စက်ခြင်းများ လုပ်ဆောင်ခဲ့သည်။

ယိုယွင်းပျက်စီးနေပြီးသား လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ အကြပ်အတည်းအတွင်း COVID-19 ကြောင့် ရောဂါပိုးတွေ့ လူနာအရေအတွက် မြင့်တက်လာပြီး မြန်မာနိုင်ငံတစ်ဝှမ်းရှိ မြို့များကို ကန့်သတ်ပိတ်ဆို့လိုက်ခြင်းက နောက်ထပ် မလုံခြုံမှုကို ဖြစ်ပေါ်စေသည်။ စစ်တပ်သည် အာဏာသိမ်းရန်ကြိုးပမ်းမှု မတိုင်မီကတည်းက ဒီမိုကရေစီရေး လှုပ်ရှားသူများ၊ လူ့အခွင့်အရေး ကာကွယ်စောင့်ရှောက်သူများနှင့် သတင်းထောက်များကို ဖြိုခွင်းရန် COVID-19 ကို လက်နက်သဖွယ် အသုံးချနေခဲ့သည်။ စစ်အုပ်စုက ကာကွယ်ဆေး ထိုးပေးခြင်းကို အခွင့်ကောင်းယူပြီး လူထုအာဏာဖီဆန်ရေးလှုပ်ရှားမှု (Civil Disobedience Movement – CDM) ကို ဖြိုခွင်းရန် ယင်းပုံစံကို ဆက်လက် အသုံးချလျက်ရှိသည်။ COVID-19 ကြောင့် လူသားချင်းစာနာထောက်ထားမှုဆိုင်ရာ အခြေအနေ ဆိုးရွားလာနေချိန်တွင် ကရင်ပြည်နယ် ဖားအံမြို့ရှိ အငယ်တန်းဆရာဝန်များကို ဒုတိယအကြိမ် ကာကွယ်ဆေးထိုးရန်အတွက် CDM မှ ထွက်ရန် တိုက်တွန်းခဲ့သည်။ ၎င်းတို့မှာ အာဏာ မသိမ်းမီက ပထမအကြိမ် ကာကွယ်ဆေး ထိုးထားခဲ့ပြီ ဖြစ်သော်လည်း ယခု လက်ရှိအခြေအနေများအောက်တွင် ဒုတိယအကြိမ် ကာကွယ်ဆေးထိုးရန် ငြင်းပယ်ထားကြသည်။

တစ်ချိန်တည်းမှာပင် နွေဦးတော်လှန်ရေး၏ တက်ကြွလှုပ်ရှားသူများနှင့် ထောက်ခံပံ့ပိုးသူများနှင့်အတူ စစ်တပ်၏ လေကြောင်းတိုက်ခိုက်မှုနှင့် လက်နက်ကြီး ပစ်ခတ်ခြိမ်းခြောက်မှုအောက်တွင် ရှိနေသော တိုင်းရင်းသားပြည်သူများမှာ စစ်တပ်၏ အကြမ်းဖက်မှုများမှ လွတ်‌မြောက်ရန် ကြိုးပမ်းကြသော်လည်း အိမ်နီးချင်းနိုင်ငံများဖြစ်သော ထိုင်းနိုင်ငံနှင့် အိန္ဒိယနိုင်ငံများတွင် ခိုလှုံခွင့် မရဘဲ ရှိနေကြသည်။ ထိုင်းနိုင်ငံအတွင်းသို့ ခေတ္တဝင်ရောက်တိမ်းရှောင်ကြသော ဒုက္ခသည်များမှာလည်း UNHCR နှင့် INGO များ၏ အကူအညီများကို လက်လှမ်းမမီနိုင်ဘဲ ဖြစ်နေသည်။ ထိုအစား မြန်မာစစ်တပ်၏ တိုက်ခိုက်မှု ဘေးအန္တရာယ်ကို ဆက်လက်ရင်ဆိုင်ရမည့် ကရင်ပြည်နယ်အတွင်းသို့ ပြန်မောင်းထုတ်ခြင်း ခံကြရသည်။

ယနေ့ မြန်မာနိုင်ငံတွင် ဖြစ်ပွားနေသော ကြီးမားကျယ်ပြန့်သည့် လူ့အခွင့်အရေးနှင့် လူသားချင်းစာနာထောက်ထားမှု ဆိုင်ရာ အကြပ်အတည်းသည် မြန်မာစစ်တပ်၏ ရက်စက်ကြမ်းကြုတ်မှု၊ အကြမ်းဖက်မှု၊ မငြိမ်သက်မှုများ၊ သတ်ဖြတ်မှုများနှင့် ဖိနှိပ်ချုပ်ခြယ်မှုများကြောင်း ဖြစ်ပေါ်လာခြင်းဖြစ်သည်ကို ယနေ့အခါသမယတွင် မိမိတို့အနေဖြင့် သတိရနေသင့်ပေသည်။ ဤသည်မှာ ရခိုင်ပြည်နယ်အတွင်းရှိ ရိုဟင်ဂျာများအပေါ် လူမျိုးတုံးသတ်ဖြတ်မှု ကျူးလွန်ခဲ့ပြီး တိုင်းရင်းသားဒေသများတွင် ဆယ်စုနှစ်ပေါင်းများစွာ စစ်ရာဇဝတ်မှုများနှင့် လူသားမျိုးနွယ်အပေါ်ဆန့်ကျင်သော ရာဇဝတ်မှုများကို ကျူးလွန်လာနေခဲ့သည့် တစ်ခုတည်းသောစစ်တပ်ပင် ဖြစ်သည်။ အစွန်းရောက်ပြီး စက်ရှုပ်ဖွယ်ကောင်းသော အကြမ်းဖက်မှုများကို တစ်ဖက်သတ် ကျူးလွန်နေခဲ့ပြီး ယင်းကို ဦးဆောင်သူသည် ဆိုးရွားလှသည့် နိုင်ငံတကာ ရာဇဝတ်မှုများအတွက် တာဝန်ယူမှု တာဝန်ခံမှု ရှိလာစေရေး အရေးယူခံရမည့် ရာဇဝတ်သား ဖြစ်သည်။ လူသားချင်းစာနာထောက်ထားမှုဆိုင်ရာ အကြပ်အတည်းအား ဖြစ်ပေါ်စေသည့် အခြေခံအကြောင်းရင်းများ ကိုင်တွယ်ဖြေရှင်းရန်နှင့် ကျူးလွန်သူများကို တာဝန်ယူမှု တာဝန်ခံမှုရှိစေရေး လုပ်ဆောင်ရန် ပျက်ကွက်နေမှုအား ဖုံးကာပေးရန် လူသားချင်းစာနာထောက်ထားမှုဝါဒကို အသုံးချနေခြင်းသည် လူသားဆန်မှု စံတန်ဖိုးများနှင့် အခြေခံမူများကို ကာကွယ်မြှင့်တင်ရန်အတွက် ကြီးမားသော စွန့်လွှတ်အနစ်နာခံမှု လုပ်ဆောင်နေသူများအတွက် စိတ်ပျက်အားလျော့စေသည်။ စစ်အုပ်စုကို တရားဝင်မှုရစေခြင်းသည် ဤလူသားချင်းစာနာထောက်ထားမှုဆိုင်ရာ အကြပ်အတည်း အဆုံးသတ်ရေးတွင် ဆိုးကျိုးသက်ရောက်မှုများကို ဖြစ်‌ပေါ်စေခြင်းနှင့် ခုခံမှုအတွက် စွန့်လွှတ်အနစ်နာခံနေသူများ၏ ဆန္ဒကို ဆန့်ကျင်နေခြင်း ဖြစ်ပြီး စစ်အုပ်စုကို ပိုမိုအားကောင်းစေကာ ၎င်းတို့၏ အကြမ်းဖက်မှုလုပ်ရပ်များကို ဆက်လက် လုပ်ဆောင်စေနိုင်လိမ့်မည် ဖြစ်သည်။

ကုလသမဂ္ဂနှင့် နိုင်ငံတကာ အသိုင်းအဝိုင်းများအနေဖြင့် လက်ရှိ လူ့အခွင့်အရေးနှင့် လူသားချင်းစာနာထောက်ထားမှု ဆိုင်ရာ အကြပ်အတည်းကို ကိုင်တွယ်ဖြေရှင်းရာတွင် ဒေသခံ CSO များ အထူးသဖြင့် တိုင်းရင်းသား ဝန်ဆောင်မှုပေးသူများအား ကူညီပံ့ပိုးရေးကို အလေးပေးလုပ်ဆောင်ရမည်။ အိမ်နီးချင်းနိုင်ငံများနှင့် အာဆီယံတို့သည် ခိုလှုံခွင့် ရှာရန် မြန်မာနိုင်ငံမှ ထွက်ပြေးတိမ်းရှောင်လာသော ပြည်သူများကို အကာအကွယ်ပေးရမည်ဖြစ်ပြီး ကုလသမဂ္ဂ၊ နိုင်ငံတကာ အသိုင်းအဝိုင်းတို့နှင့် ပူးပေါင်းဆောင်ရွက်မှုများ လုပ်ဆောင်ရမည်။ ဒေသတွင်း CSO များ၏ ပံ့ပိုးကူညီမှုနှင့် သွေးစည်းညီညွတ်မှုများသည် ဤရုန်းကန်လှုပ်ရှားမှုအတွက် အလွန်အရေးပါပြီး ရက်စက်ကြမ်းကြုတ်သော စစ်အုပ်စုကို ဆက်လက်ခုခံတွန်းလှန်ရေး ဆုံးဖြတ်ချက်ကို အင်အားဖြစ်စေသည်။

ယနေ့ကမ္ဘာ့ဒုက္ခသည်များနေ့တွင် မိမိတို့သည် ကမ္ဘာတစ်ဝှမ်းရှိ ဒုက္ခသည်များ၏ အသံများကို နားထောင်ကြရမည်ဖြစ်ပြီး ၎င်းတို့၏ အဖွဲ့အစည်းနှင့် အခန်းကဏ္ဍ၊ မြန်မာနိုင်ငံ၏ ပြည်တွင်းနှင့် ပြည်ပ နေရပ်စွန့်ခွာထွက်ပြေးတိမ်းရှောင်ရသူများ၏ အခန်းကဏ္ဍ၊ ဒေသခံ အိမ်ရှင်များနှင့် ၎င်းတို့အား ဆက်လက် ကူညီပံ့ပိုးပေးနေပြီး မကြာခဏဆိုသလိုပင် ပုဂ္ဂိုလ်ရေးဆိုင်ရာ ဘေးအန္တရာယ်များကို ရင်ဆိုင်နေရသော တိုင်းရင်းသား ဝန်ဆောင်မှုပေးသူတို့၏ အခန်းကဏ္ဍများကို အသိအမှတ်ပြု အားဖြည့်ပေးရပါမည်။ မြန်မာနိုင်ငံအတွင်း လက်ရှိ ဖြစ်ပေါ်နေသော အကြပ်အတည်းသည် ၎င်းတို့ ရင်ဆိုင်ခဲ့ရသည့် အကြီးမားဆုံးသော စိန်ခေါ်မှုများအနက် တစ်ခု ဖြစ်နိုင်ပါသည်။ သို့ရာတွင် ၎င်းတို့သည် ယခင် စစ်အုပ်ချုပ်ရေး၏ တင်းကြပ်သော ချုပ်ကိုင်မှုနှင့် ဆယ်စုနှစ်ပေါင်းများစွာ လုပ်ဆောင်ခဲ့သော စစ်တပ်၏ ထိုးစစ်ဆင်မှုများအောက်တွင် ပြည်သူလူထု၏ လိုအပ်ချက်များကို ဖြည့်ဆည်းပေးခဲ့ကြပြီး ယခုအချိန်တွင်လည်း ဆိုးရွားလှသောဒုက္ခများ ရင်ဆိုင်နေရသည့်ကြားမှာပင် လူသားဖြစ်တည်မှု၏ တန်ဖိုး၊ ဂုဏ်သိက္ခာနှင့်  အခွင့်အ‌ရေးများကို သတ္တိရှိစွာဖြင့် ဆက်လက်ဆုပ်ကိုင်ထားကြဆဲဖြစ်သည်။ အိမ်နီးချင်းနိုင်ငံများက ဒုက္ခသည်များကို လက်ခံရန် ငြင်းဆိုပြီး လုံလောက်သော အကူအညီများမပေးဘဲ နယ်စပ်မှ ပြန်လည်မောင်းထုတ်ခြင်းကြောင့် မြန်မာစစ်တပ်မှ ချမှတ်ထားသော အရင်းအမြစ်ကန့်သတ်မှုများနှင့် ကန့်သတ်တားဆီးမှုများ ရှိနေသည့်ကြားမှာပင် ဒေသခံ CSO များက လိုအပ်ချက်များကို ဝင်ရောက်ဖြေရှင်းပေးနေကြသည်။ ၎င်းတို့သည် မိမိတို့၏ အပြည့်အဝထောက်ခံပံ့ပိုးမှုနှင့် စစ်မှန်သော လက်တွဲဆောင်ရွက်မှုကို ရသင့်ပါသည်။

ကုလသမဂ္ဂနှင့် နိုင်ငံတကာ အသိုင်းအဝိုင်းအနေဖြင့် အောက်ပါတို့ကို လုပ်ဆောင်ရန် မိမိတို့မှ တောင်းဆိုသည်။

  • လူသားချင်းစာနာထောက်ထားဆိုင်ရာ အကူအညီပေးခြင်းသည် စစ်အုပ်စုအား တရားဝင်မှု မရှိစေရန်နှင့် စစ်တပ်အနေဖြင့် လူသားချင်းစာနာထောက်ထားမှုဆိုင်ရာ အကူအညီများကို ၎င်းတို့၏ အကြမ်းဖက်မှု စစ်ဆင်ရေးတွင် လက်နက်သဖွယ် ထပ်မံအသုံးပြုမှု မရှိစေရေး သေချာစွာ လုပ်ဆောင်ရန်၊
  • ဒေသခံ ၀န်ဆောင်မှုပေးနေသည့် အရပ်ဘက်လူထုအဖွဲ့အစည်းများနှင့် လူထုအခြေပြုအရပ်ဘက်အဖွဲ့အစည်းများ၏ အခန်းကကို အသိအမှတ်ပြုရန် နှင့် ၎င်းတို့မှတစ်ဆင့် နယ်စပ်ဖြတ်ကျော် အကူအညီများအပါအဝင် လူသားချင်း စာနာထောက်ထားမှုဆိုင်ရာ အကူအညီများ ပေးရန်၊
  • အကူအညီပေးရာတွင် အမျိုးသားညီညွတ်ရေးအစိုးရနှင့် တိုင်းရင်းသား လက်နက်ကိုင်တော်လှန်ရေးအဖွဲ့အစည်း များ၏ လမ်းညွှန်မှု ရယူခြင်း၊ ၎င်းတို့နှင့် ဆွေးနွေးညှိနှိုင်းတိုင်ပင်ခြင်းနှင့် ပူးပေါင်းဆောင်ရွက်မှုများ လုပ်ဆောင်ရန်၊
  • လူသားချင်းစာနာထောက်ထားမှုဆိုင်ရာ အကူအညီများပေးရာတွင် စစ်အုပ်စုနှင့် ချိတ်ဆက်လုပ်ဆောင်မှုများ မပြုလုပ်ရန်၊
  • အရေးပေါ်အကူအညီများ ပေးရာတွင် ထိရောက်ခိုင်မာမှုရှိသည့် စနစ်များရှိသော ဒေသခံ အရပ်ဘက်လူထု အဖွဲ့အစည်းများနှင့် လူထုအခြေပြုအရပ်ဘက်အဖွဲ့အစည်းများအား ပြောင်းလွယ်ပြင်လွယ်ရှိပြီး အချိန်နှင့်တပြေးညီ ရံပုံငွေနှင့် အရင်းအမြစ်များ ပံ့ပိုးကူညီရန်၊
  • အိမ်နီးချင်းနိုင်ငံများအနေဖြင့် ဒုက္ခသည်များကို ခိုလှုံခွင့် ပြုခြင်းအားဖြင့် ဒုက္ခသည်များ၏ အခွင့်အရေးကို ကာကွယ်ပေးရန်နှင့် UNHCR နှင့် နိုင်ငံတကာ NGO များ သာမက လူသားချင်းစာနာထောက်ထားမှုဆိုင်ရာ အဖွဲ့အစည်းများမှ ၎င်းတို့၏ လျင်မြန်ပြီး ကန့်သတ်တားဆီးမှု မရှိသော အ‌ထောက်အပံ့ကူညီမှုများကို လက်လှမ်းမှီနိုင်ရေး တိုက်တွန်းတောင်းဆိုရန်။

ဤထုတ်ပြန်ကြေညာချက်ကို အရပ်ဘက်လူထုအဖွဲ့အစည်း ၄၈၈ ဖွဲ့က လက်မှတ် ရေးထိုးထားသည်။

လက်မှတ်ရေးထိုးထားသော အဖွဲ့အစည်းများ –

  1. African Great Lakes Action Network
  2. American Baptist Churches of Nebraska
  3. American Baptist Churches USA
  4. Arakan American Community (AAC)
  5. Arakan Watch
  6. Burma Human Rights Network
  7. Burma Task Force
  8. Burmese Rohingya Organisation UK (BROUK)
  9. Calgary Karen Community Association (CKCA)
  10. California Karen Youth Forum
  11. Canadian Rohingya Development Initiative
  12. Chin Baptist Churches USA
  13. Coalition of Rohingya Organisations in Malaysia
  14. Crescent Hill Baptist Church in Louisville, KY
  15. DEEKU, the Karenni Community, USA
  16. Edmonton Karen Community Youth Organization
  17. European Karen Network
  18. Finland Karen Culture Association
  19. Free Burma Campaign (South Africa)
  20. Ignite Ministry, Inc
  21. International Karen Organisation
  22. Kachin Alliance
  23. Kachin Peace Support Network
  24. Kansas Karenni community, KS, USA
  25. Karen Association of Huron, SD, USA
  26. Karen Community of Akron, OH, USA
  27. Karen Community of Canada (KCC)
  28. Karen Community of Czech Republic
  29. Karen Community of Finland
  30. Karen Community of Hamilton
  31. Karen Community of Iowa, IA, USA
  32. Karen Community of Ireland
  33. Karen Community of Israel
  34. Karen Community of Kansas City, KS & MO, USA
  35. Karen Community of Kitchener & Waterloo
  36. Karen Community of Leamington
  37. Karen Community of Lethbridge
  38. Karen Community of London
  39. Karen Community of Minnesota, MN, USA
  40. Karen Community of North Carolina, NC, USA
  41. Karen Community of Ottawa
  42. Karen Community of Regina
  43. Karen Community of Rock Island, IL, USA
  44. Karen Community of Saskatoon
  45. Karen Community of Syracuse, USA
  46. Karen Community of Thunderbay
  47. Karen Community of Toronto
  48. Karen Community of Windsor
  49. Karen Community of Winnipeg
  50. Karen Community Society of British Columbia (KCSBC)
  51. Karen Organization of America
  52. Karen Organization of San Diego
  53. Karen Peace Support Network
  54. Karen Swedish Community
  55. Karen Youth Education Pathways
  56. Karen Youth of Norway
  57. Karen Youth of Toronto
  58. Karen Youth Organization
  59. Karenni Community of Bowling Green, KY, USA
  60. Karenni Community of Des Moines, IA, USA
  61. Karenni Community of Georgia, GA, USA
  62. Karenni Community of Indianapolis, IN, USA
  63. Karenni Community of Massachusetts, MA, USA
  64. Karenni Community of Minnesota, MN, USA
  65. Karenni Community of Missouri, MO, USA
  66. Karenni Community of New York, NY, USA
  67. Karenni Community of North Carolina, NC, USA
  68. Karenni Community of Portland, OR, USA
  69. Karenni Community of Taxes, TX, USA
  70. Karenni Community of Wisconsin, WI, USA
  71. Karenni National Women’s Organization
  72. Karenni Refugee Committee
  73. Karenni Refugee Committee
  74. Karenni Society of Minnesota, MN, USA
  75. Korea Karen Organization
  76. Korea Karen Youth Organization
  77. Never Again Coalition
  78. Oversea Karen Organization Japan
  79. Progressive Voice
  80. Rohingya American Society
  81. Rohingya Arakanese Refugee Committee
  82. Rohingya Student Network
  83. Rohingya Women Development Forum
  84. The Sound of Hope
  85. The Urban Village
  86. US Campaign for Burma
  87. Utica Karen Community, NY, US

မှတ်ချက် – လုံခြုံရေးစိုးရိမ်ပူပန်ရမှုကြောင့် ဤထုတ်ပြန်ကြေညာချက်ကို လက်မှတ်ရေးထိုးထားသည့် အရပ်ဘက်လူထု အဖွဲ့အစည်း ၄၀၁ ဖွဲ့၏ အမည်များကို မဖော်ပြထားပါ။ ယခု လက်မှတ်ရေးထိုးထားသော အဖွဲ့အစည်းများသည် မြန်မာနိုင်အတွင်းရှိ လူသားချင်းစာနာထောက်ထားမှု၊ လူ့အခွင့်အရေးကာကွယ်စောင့်ရှောက်မှုနှင့် အခွင့်အရေးအခြေပြု ကိစ္စရပ်များကို လုပ်ဆောင်နေသည့် အရပ်ဘက်လူထုအဖွဲ့အစည်းများ ဖြစ်သည်။

ပိုမိုသိရှိလိုပါက ဆက်သွယ်ရန် 


PDF ရယူရန် – အင်္ဂလိပ်ဘာသာမြန်မာဘာသာ

အာဏာသိမ်းစစ်ကောင်စီ၏ လက်နက်ကိုင်သောင်းကျန်းမှုများအား ဆန့်ကျင်ရှုတ်ချခြင်း

၂ဝ၂၁-ခုနှစ် မတ်လ(၂)ရက်

သမိုင်းကာလတစ်လျှောက် မြေသိမ်းမှုများ၊ တောင်သူလယ်သများများကို အစဉ်တစိုက်ဖိနှိပ်ခြင်းများ ပြုလုပ်လာခဲ့သည့် စစ်တပ်အား ဆန့်ကျင်ရှုတ်ချကြောင်း “တောင်သူလယ်သမားနေ့” အမည်ခံ ယနေ့တွင် ထုတ်ပြန်ကြေညာသည်။

၁။             နိုင်ငံတော်သစ္စာဖောက်မှုကို ကျူးလွန်ခဲ့သည့် အာဏာသိမ်းစစ်ကောင်စီသည် နိုင်ငံနှင့်အဝှမ်း ငြိမ်းချမ်းစွာ ဆန္ဒ ဖော်ထုတ်လျက်ရှိသည့် ပြည်သူများကို အကြမ်းဖက်ဖြိုခွင်းခြင်း၊ သတ်ဖြတ်ခြင်း၊ ဖမ်းဆီး/ချုပ်နှောင်ခြင်း၊ နေအိမ် များအတွင်း အဓမ္မကျူးကျော်ဝင်ရောက်ခြင်း၊ အိုးအိမ်/ပစ္စည်းများအားဖျက်ဆီးခြင်း၊ ပြည်သူလူထု၏ အိုးအိမ်/ ပစ္စည်းများနှင့် အစားအစာများကိုလုယက်ခြင်း စသည့် တရားမဲ့ပြုကျင့်မှုများအား တရစပ်ပြုလုပ်လာသည်ကို တွေ့ရသည်။

၂။             အဆိုပါ တရားမဲ့ပြုကျင့်မှုများကြောင့် ၂ဝ၂၁-ခုနှစ် ဖေဖော်ဝါရီလ(၁)ရက်နေ့မှ ယနေ့အထိတွင် အပြစ်မဲ့ပြည်သူ (၃ဝ)ခန့် သေဆုံးခဲ့ရပြီး မတရားဖမ်းဆီးထိန်းသိမ်းခံရသူ (၁,ဝဝဝ)ကျော်ရှိနေပြီဖြစ်သည်။

၃။             လယ်သမားများ၊ အလုပ်သမားများ၊ ကျောင်းသားများ၊ တိုင်းရင်းသားလူမျိုးပေါင်းစုံနှင့် ပြည်သူလူထုအား သတ်ဖြတ်ကာ စစ်အာဏာသိမ်းယူပြီး တောင်သူလယ်သမားနေ့အဖြစ် အဓမ္မသတ်မှတ်ခဲ့သည်မှာလည်း ယနေ့ မတ်လ(၂)ရက်နေ့တွင် ၅၉-နှစ် ပြည့်ခဲ့ပြီဖြစ်သည်။ အဆိုပါ “တောင်သူလယ်သမားနေ့” သတ်မှတ်ချက်ကို ဆန့်ကျင်ရှုတ်ချသည်။

၄။             အတိတ်သမိုင်းကာလမှ ယနေ့အချိန်အထိ စစ်တပ်၏ တရားမဲ့ပြုကျင့်မှု၊ လက်နက်ကိုင်သောင်းကျန်းမှု မှန်သမျှ၊ မြေသိမ်းမှုမှန်သမျှကို ရှုတ်ချသည်။

၅။             အကြမ်းမဖက်သည့်နည်းလမ်းများဖြင့် ဆန္ဒထုတ်ဖော်လျက်ရှိသော ပြည်သူလူထုတစ်ရပ်လုံးကို အကြမ်းဖက် ဖြိုခွင်းနှိမ်နင်းနေသည့် စစ်တပ်နှင့် ရဲတပ်ဖွဲ့ကို အကြမ်းဖက်အဖွဲ့များအဖြစ်သတ်မှတ်သည်။

၆။             မိမိတို့အနေဖြင့် သိမ်းဆည်းခံထားရသည့်မြေများပြန်လည်ရရှိရေး၊ ဖက်ဆစ် စစ်အာဏာရှင်စနစ် အပြီးတိုင် ကျရံှုးရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် တိုင်းရင်းသားပြည်သူလူထုနှင့် စုပေါင်းလက်တွဲကာ နည်းလမ်းပေါင်းစုံဖြင့် ဆက်လက်လုပ်ဆောင်သွားမည်ဖြစ်သည်။

“ဖက်ဆစ် စစ်အာဏာရှင်စနစ်ကိုဆန့်ကျင်ကြ”
“ဖက်ဒရယ်ဒီမိုကရေစီ ပြည်ထောင်စုစနစ်ကို တည်ဆောက်ကြ”

ဒို့မြေကွန်ရက် (Land in Our Hands)

တပ်မတော်၏အာဏာသိမ်းမှုအား ဆန့်ကျင်ရှုတ်ချခြင်း

၂၀၂၁-ခုနှစ်၊ ဖေဖော်ဝါရီလ (၂)ရက်

၂၀၂၁-ခုနှစ်၊ ဖေဖော်ဝါရီလ (၁)ရက်နေ့တွင် ဖြစ်ပွားခဲ့သော အာဏာသိမ်းမှုအား နိုင်ငံတော်သစ္စာဖောက်မှု၊ လက်နက်ကိုင်အကြမ်းဖက်မှု အဖြစ်သတ်မှတ်ပြီး အပြင်းအထန် ဆန့်ကျင်ရှုတ်ချသည်။

စစ်ဘုရင်ဝါဒနှင့် ဘာသာရေး/လူမျိုးရေးဝါဒကိုအခြေပြု၍ ဖြစ်လာသည့် ဖက်ဆစ်အာဏာရှင်စနစ်အား မိမိတို့အနေဖြင့် အပြင်းအထန် ဆန့်ကျင်ကန့်ကွက်သည်။

ဖမ်းဆီးထားသည့် နိုင်ငံရေးသမားများကိုလွှတ်ပေးရန်နှင့် ဖမ်းဆီးခံထားရသော တရားစွဲခံထားရသော တောင်သူ လယ်သမားများအားလုံး ခြွင်းချက်မရှိလွှတ်ပေးရန် ကျွန်ုပ်တို့တောင်းဆိုသည်။

မိမိတို့အနေဖြင့် ဒီမိုကရေစီနှင့်လူ့အခွင့်အရေးအတွက် တိုင်းရင်းသားပြည်သူလူထုနှင့်အတူ လက်တွဲ ကာကွယ်သွားမည်။

ဖက်ဆစ်စစ်အာဏာရှင်စနစ် အပြီးတိုင်ကျရှုံးရေးနှင့် ၂၀၀၈-ဖွဲ့စည်းပုံအခြေခံဥပဒေဖျက်သိမ်းရေးအတွက် တိုင်းရင်းသားပြည်သူလူထုနှင့်အတူ စုပေါင်းလက်တွဲကာ နည်းလမ်းပေါင်းစုံဖြင့် ဆန့်ကျင်သွားမည်။

“ ဖက်ဆစ်စစ်အာဏာရှင်စနစ်ကိုဆန့်ကျင်ကြ၊
ဖက်ဒရယ်ဒီမိုကရေစီ ပြည်ထောင်စုစနစ်ကို တည်ဆောက်ကြ”

ဒို့မြေကွန်ရက် (Land in Our Hands)

အမျိုးသားမြေဥပဒေရေးဆွဲရေးလုပ်ငန်းစီမံချက်(မူကြမ်း)အပေါ် ကရင်နီအရပ်ဘက်အဖွဲ့များ၏ သဘောထားရပ်တည်ချက် (စက်တင်ဘာ ၂ဝ၂ဝ)

အမျိုးသားမြေဥပဒေရေးဆွဲပြုစုရေးနှင့် မြေစီမံခန့်ခွဲမှုဆိုင်ရာဥပဒေများသဟဇာတဖြစ်ရေး လုပ်ငန်းကော်မတီ၏အမျိုးသားမြေဥပဒေရေးဆွဲပြုစုရေးလုပ်ငန်းစီမံချက် (မူကြမ်း) ကြေညာချက် နှင့်စပ်လျဉ်း၍ ကယား(ကရင်နီ)ပြည်ရှိ လူထုအခြေပြု အရပ်ဘက်လူမှုအသင်းအဖွဲ့များ၏သဘောထားရပ်တည်ချက်ထုတ်ပြန်ခြင်း။

ရက်စွဲ။  ။ ၂၀၂၀ပြည့်နှစ်၊ စက်တင်ဘာလ (၈) ရက်။

အမျိုးသားမြေဥပဒေရေးဆွဲပြုစုရေးနှင့် မြေစီမံခန့်ခွဲမှုဆိုင်ရာဥပဒေများသဟဇာတဖြစ်ရေး လုပ်ငန်း ကော်မတီ၏ ၂၀၂၀ပြည့်နှစ်၊ သြဂုတ်လ(၁၇)ရက်နေ့ပါ အမျိုးသားမြေဥပဒေ ရေးဆွဲပြုစုရေး လုပ်ငန်းစီမံချက်(မူကြမ်း)နှင့်စပ်လျဉ်း၍ ၂၀၂၀ပြည့်နှစ်၊ စက်တင်ဘာလ (၁၅)ရက်နေ့ နောက်ဆုံး ထား၍ အကြံပြုချက်ပေးပို့နိုင်ကြောင်းအသိပေးကြေညာချက်နှင့် ပတ်သက်၍ ကယား(ကရင်နီ) ပြည်ရှိလူထုအခြေပြု အရပ်ဘက်လူမှုအသင်းအဖွဲ့များ၏ သဘောထားရပ်တည်ချက်ကို အောက်ပါ အတိုင်းထုတ်ပြန်လိုက်သည်။

၁။             အမျိုးသားမြေဥပဒေသည် မြန်မာနိုင်ငံရှိနိုင်ငံသားများ၊ အခြေခံတောင်သူလယ်သမားများ၊ ဒေသခံဌာနေတိုင်းရင်းသားများ၊ မြေယာအခြေပြုအသက်မွေး၀မ်းကျောင်းပြုနေသော သူများနှင့် အခြေခံလူထုလူတန်းစားများ၏ မြေပိုင်ဆိုင်ခွင့်၊ မြေစီမံခန့်ခွဲခွင့်နှင့် မြေယာ အခွင့်အရေးဆိုင်ရာလုံခြုံမှုအတွက် စစ်မှန်သောအကာအကွယ်ပေးနိုင်မှုအတွက် အလွန် အရေးကြီးသည့် ဥပဒေတစ်ရပ်ဖြစ်ရမည်ဟု သုံးသပ်ပါသည်။

၂။             အမျိုးသားမြေအသုံးချမှုမူဝါဒကို လမ်းညွန်အဖြစ်အသုံးပြု၍ အမျိုးသားမြေဥပဒေသစ်ကို ရေးဆွဲပြဌာန်းရမည်ဟုဖော်ပြထားသော်လည်းအမျိုးသားမြေဥပဒေသည် မြေနှင့်ဆက်စပ် သော ဥပဒေများအားလုံးကိုလွှမ်းခြုံမှုရှိသည့် မိခင်မြေဥပဒေတစ်ရပ်ဖြစ်သောကြောင့် အမျိုးသားမြေဥပဒေတစ်ရပ် ပေါ်ထွက်လာစေရန် လုပ်ဆောင်နေမှုဖြစ်စဉ်များအားလုံးကို ပွင့်လင်းမြင်သာစွာနှင့် အများပြည်သူများကျယ်ကျယ်ပြန့်ပြန့်ပါ၀င်နိုင်ခွင့်ဖြင့် ဦးစွာပြန်လည် စိစစ်ဆန်းစစ်ရန် လိုအပ်သည်။

၃။             အမျိုးသားမြေဥပဒေရေးဆွဲခြင်းဆက်လက်မဆောင်ရွက်မီ  ၂၀၁၆ခုနှစ်၊ ဇန်နဝါရီလတွင် အတည်ပြုလိုက်သောအမျိုးသားမြေအသုံးချမှုမူဝါဒ၏ လက်ရှိတည်ရှိမှု၊ လွှမ်းခြုံနိုင်မှုနှင့် သဟဇာတဖြစ်မှုများကိုပြန်လည်စိစစ်သုံးသပ်ခြင်း၊ ပိုမိုကောင်းမွန်အောင်လုပ်ဆောင်ခြင်း များကို ဦးစွာလုပ်ဆောင်ရန်လိုအပ်ပါသည်။ အခြေခံအားဖြင့် မြန်မာနိုင်ငံ၏ရေရှည်တည်တံ့ ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှုစီမံကိန်း၊ အမျိုးသားပတ်၀န်းကျင်ရေးရာ မူဝါဒ၊ ပြည်ထောင်စုငြိ်မ်းချမ်းရေးညီလာခံ- (၂၁)ရာစုပင်လုံ၏ ပြည်ထောင်စုသဘောတူညီချက်ပါ အချက်များအပြင် နိုင်ငံတကာရှိမြေ၊ အရင်းအမြစ်နှင့် သဘာ၀ပတ်၀န်းကျင်ဆိုင်ရာ စံချိန် စံနှုန်းများ၊ လူ့အခွင့်အရေးဆိုင်ရာစံချိန်စံနှုန်းများတို့ဖြင့် ပြန်လည်ချိန်ထိုးရန် လိုအပ်သည်။

၄။             အမျိုးသားမြေဥပဒေပေါ်ထွက်လာနိုင်စေရန်အတွက် လုပ်ငန်းကော်မတီများဖွဲ့စည်းခြင်း၊ လုပ်ငန်းအဖွဲ့ငယ်များဖွဲ့စည်းခြင်းနှင့် ၎င်းတို့၏ လုပ်ပိုင်ခွင့်တာ၀န်များကိုသတ်မှတ်ခြင်းနှင့် ၎င်းတို့၏ပါ၀င်မှုနှင့် စပ်လျဉ်း၍ စစ်မှန်သောကိုယ်စားပြုမှု၊ လွတ်လပ်မှု၊ စွမ်းဆောင်နိုင်မှု၊ လွှမ်းခြုံနိုင်မှုတို့နှင့်ပတ်သက်၍ ပြန်လည်သုံးသပ်ရမည် ဖြစ်ပါသည်။ ၂၀၁၆ခုနှစ် အမျိုးသား မြေအသုံးချမှုမူဝါဒအရသော်လည်းကောင်း၊ ဤမူဝါဒအရ တည်ဆောက်ဖွဲ့စည်းထားသော အဖွဲ့အစည်းများ၊ အမျိုးသားမြေအသုံးချမှုကောင်စီနှင့် အခြားသောလုပ်ငန်းကော်မတီများ၊ လုပ်ငန်းအဖွဲ့ငယ်များနှင့် ၎င်းတို့၏လုပ်ဆောင်မှုများသည် ဗဟိုချုပ်ကိုင်မှုအပြည့်အ၀ရှိ သော ဖွဲ့စည်းပုံများဖြင့်အခိုင်အမာတည်ဆောက်ထားသည်ကိုတွေ့ရှိသုံးသပ်မိပါသည်။ ထို့ကြောင့် အမှတ်စဉ်(၁)တွင်ဖော်ပြထားသောသက်ဆိုင်သူအားလုံး၏ အကျိုးစီးပွားကို အကာအကွယ်ပေးနိုင်မည့် စစ်မှန်သောအမျိုးသားမြေဥပဒေတစ်ရပ် ပေါ်ထွက်လာရန် အတွက် လုံး၀ အယုံအကြည်နှင့် အာမခံချက် မရှိပါ။

၅။             ၂၀၁၆ခုနှစ် အမျိုးသားမြေအသုံးချမှုမူဝါဒအရသော်လည်းကောင်း၊ လက်ရှိတည်ဆဲမြေယာ စီမံခန့်ခွဲမှုဆိုင်ရာဥပဒေများအားလုံးတွင်သော်လည်းကောင်း၊ တိုင်းရင်းသားလူမျိုးစုများ၊ မျိုးနွယ်စုများသို့မဟုတ် ဌာနေတိုင်းရင်းသားများ၏ဓလေ့ထုံးတမ်းမြေယာစီမံခန့်ခွဲမှု၊မြေ၊ သဘာ၀အရင်းအမြစ်နှင့် ပိုင်နက်နယ်မြေများပိုင်ဆိုင်ခွင့်၊ စီမံခန့်ခွဲခွင့်များနှင့် ဆုံးဖြတ်ချက် ချခွင့်များနှင့်စပ်လျဉ်း၍ ခိုင်မာတိကျသောပြဌာန်းချက်များ၊ အသိအမှတ်ပြုလေးစား လိုက်နာအကောင်အထည်ဖော်ခြင်းနှင့် အကာအကွယ်ပေးမှုများကင်းမဲ့လျက်ရှိနေပါသည်။ ထို့ပြင် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံဆွေးနွေးပွဲတွင် သဘောတူ လက်မှတ်ရေးထိုးထားသော ပြည်ထောင်စုသဘောတူညီချက်နှင့် မြေယာနှင့် သဘာ၀ ပတ်၀န်းကျင်ကဏ္႑ပါ သဘောတူညီချက်များသည်လည်းတစ်နိုင်ငံလုံးသို့ လွှမ်းခြုံမှုအရ သော်လည်းကောင်း၊ ဒေသခံပြည်သူများနှင့် ဌာနေတိုင်းရင်းသားများ၏ မြေယာအခွင့် အရေးဆိုင်ရာအကာအကွယ်ပေးမှုနှင့် အသိအမှတ်ပြုမှုအရသော်လည်းကောင်း ခိုင်မာ အားကောင်းမှုမရှိခြင်းတို့ကြောင့် လက်ရှိအမျိုးသားမြေဥပဒေသစ်တစ်ရပ် ပေါ်ထွက် လာစေရန် လုပ်ဆောင်နေမှုဖြစ်စဉ်များအပေါ်တွင် အယုံအကြည် ကင်းမဲ့စေပါသည်။

၆။             အထူးသဖြင့် နိုင်ငံ၏အကောင်အထည်ဖော် ဆောင်ရွက်လျက်ရှိသော စစ်မှန်သော ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေးနှင့် ဖက်ဒရယ်ဒီမိုကရက်တစ် ပြည်ထောင်စုတည်ဆောက်ရေးဖြစ်စဉ်ကာလတွင် အမျိုးသားမြေဥပဒေရေးဆွဲခြင်းကဲ့သို့ သောထိလွယ်၊ ရှလွယ်သောလုပ်ဆောင်မှုများကို သတိကြီးစွာဖြင့် ဆောင်ရွက်ရန် လိုအပ် သည်။ သို့မဟုတ်ပါကထိုဖြစ်စဉ်များအပေါ်သို့ ကြီးမားသောဆိုးကျိုးသက်ရောက်မှုများကို ဖြစ်စေနိုင်သည်သာမက ပြဿနာသစ်တစ်ရပ်ထပ်မံဖြစ်ပေါ်လာစေရန် ဖန််တီးနေခြင်း ဖြစ်သည်။

၇။             ထို့ကြောင့် စစ်မှန်သောဖက်ဒရယ်ဒီမိုကရက်တစ်ပြည်ထောင်စုတည်ဆောက်မှုနှင့် နိုင်ငံရေး ပြုပြင်ပြောင်းလဲမှုကိုဦးစားပေးဆောင်ရွက်နိုင်ရန်အတွက် ပါ၀င်ပတ်သက်သူများအားလုံး ပါ၀င်သည့် ပူးပေါင်းညှိနှိုင်းဆောင်ရွက်ခြင်း၊ သဘောတူညီမှုပြုလုပ်ခြင်းနှင့်  အကောင် အထည်ဖော်ဆောင်ရွက်ရမည် ဖြစ်သည်။ ထို့မှသာ စစ်မှန်သောဖက်ဒရယ်ဒီမိုကရက်တစ် ပြည်ထောင်စုတည်ဆောက်မှုဖြစ်စဉ်နှင့် ဖက်ဒရယ်မြေယာအုပ်ချုပ်စီမံမှုကိုဦးတည်သည့် စစ်မှန်သည့် မြေယာကဏ္႑ပြုပြင်ပြောင်းလဲမှုများကို တဆင့်ချင်း ဦးတည်လုပ်ဆောင် သွားနိုင်မည် ဖြစ်သည်။

သဘောထားရပ်တည်ချက် ထုတ်ပြန်ရာတွင် ပါ၀င်သော ကယား(ကရင်နီ)ပြည်ရှိ လူထုအခြေပြု အရပ်ဘက်လူမှုအသင်းအဖွဲ့များ

  1. Progressive Karenni People Force (PKPF)
  2. Union of Karenni State Youth (UKSY)
    • Karenni National Youth Organization (KNYO)
    • Karenni State Student Union (KSSU)
    • Kayan Women Organization (KyWO)
    •  Kayan New Generation Youth (KNGY)
  3. Karenni State Ethnic Youth Steering Committee
  4. Karenni Civil Society Network (KCSN)
    • Karenni Ever Green (KEG)
    • Karenni Social Welfare Development Center (KSWDC)
    • Karenni Mobil Health Committee (KnMHC)
    • Karenni Development Research Group (KDRG)
    • Karenni Student Union (KSU)
    • Karenni National Youth Organization (KNYO)
    • Karenni Education Department (KnED)
    • Karenni National Women Organization (KNWO)
    • Karenni Legal and Human Right Center (KLHRC)
    • Karenni Refugee Committee (KnRC)
    • Karenni Literacy and Culture Development  Committee (KLCDC)
  5. Kayah Earthrights Action Network (KEAN)
  6. Myamar Alliance for Transparency and Accountability (Karenni-MATA)
  7. Local Development Network (LDN)
  8. Mizzima Hnalone Thar Youth (Loikaw)
  9. Karenni State Farmer Union (KSFU)
  10. LAIN Technical Supporting Group
  11. Mawduklarmar Social Development Association (MSDA)
  12. Women for Women Foundation (WWF)
  13. Karenni Human Rights Group (KnHRG)
  14. Future Women Association (FWA)
  15. Kayah Baptist Association, Christian Social Service and Development Department (KBA-CSSDD)
  16. Kayah Liphu Youth (KLY)
  17. Kawyaw Youth (KYY)
  18. Kayaw Youth Organization (KYO)
  19. Yintaleh Youth (YY)
  20. New Generation Youth of Karen (Karenni State)
  21. Karenni Mega-Investment Watch (KMIW)
  22. Karenni Land Policy Developing Committee(KLPDC)
  23. Karenni State Youth Network (KSYN)
  24. Karuna Mission Social Solidarity-Loikaw (KMSS-Loikaw)

သဘောထားကြေညာချက်ကို အင်္ဂလိပ်ဘာသာ (သို့မဟုတ်) မြန်မာဘာသာ တို့ဖြင့် ရယူနိုင်ပါသည်။

အကြည်ညိုပျက်စေမှုဖြင့် အမှုဖွင့်ခြင်းနှင့် ညအချိန် ရှောင်တခင်ဝင်ရောက်ဖမ်းဆီးခြင်းကို ကန့်ကွက်ရှုံ့ချခြင်း

သဘာဝပတ်ဝန်းကျင်ထိန်းသိမ်းရေး တက်ကြွလှုပ်ရှားသူ စောသာဘိုးအား နိုင်ငံတော် အကြည်ညိုပျက်စေမှုဖြင့် အမှုဖွင့်ခြင်းနှင့် ညအချိန် ရှောင်တခင်ဝင်ရောက်ဖမ်းဆီးခြင်းကို ကန့်ကွက်ရှုံ့ချခြင်း

၂ဝ၂ဝ-ခုနှစ် မတ်လ(၁ဝ)ရက်

၁။        ၂ဝ၂ဝ-ခုနှစ် မတ်လ(၆)ရက်နေ့တွင် သဘာဝပတ်ဝန်းကျင်ထိန်းသိမ်းရေး တက်ကြွလှုပ်ရှားသူ စောသာဘိုးအား နိုင်ငံတော် အကြည်ညိုပျက်စေမှု [ရာဇသတ်ကြီးဥပဒေပုဒ်မ-၅ဝ၅(ခ)]ဖြင့် အမှုဖွင့်ကာ ညအချိန်ရှောင်တခင် ဝင်ရောက်ဖမ်းဆီးခြင်းပြုသည်ဟု ကြားသိရပါသည်။ အဆိုပါဖြစ်ရပ်သည် ၂ဝ၂ဝ-ခုနှစ် ဇန်နဝါရီလ(၁၇)ရက်နေ့ ဘားကပ်ကျေးရွာအုပ်စု၊ နတ်ကုန်းရွာတွင်ပြုလုပ်ခဲ့သည့် ဒေသခံများ၏ ရိုးရာယုံကြည်မှုဓလေ့အရ မေတ္တာပို့ ဆုတောင်းပွဲနှင့်စပ်လျဉ်းသည်ဟုလည်း သိရသည်။

၂။        အဆိုပါ တရားစွဲဆိုအမှုဖွင့်ခြင်းနှင့် ညအချိန် ရှောင်တခင်ဝင်ရောက်စီးနင်း ဖမ်းဆီးခြင်းအပေါ် ဒို့မြေကွန်ရက်က ပြင်းထန်စွာကန့်ကွက်ရံှု့ချသည်။
(က)    ရိုးရာဓလေ့အရပြုလုပ်သည့် ဆုတောင်းပွဲကိုအကြောင်းပြု၍ တရားစွဲဆိုခြင်း၊ ဝင်ရောက်ဖမ်းဆီး ခြင်းသည် ရိုးရာဓလေ့ကို စော်ကားရာရောက်ပြီး လူ့အခွင့်အရေးနှင့် ဒီမိုကရေစီစံနှုန်းများကိုလည်း ချိုးဖောက်ရာရောက်သည်။
(ခ)     သဘာဝပတ်ဝန်းကျင်အရေး တက်ကြွလှုပ်ရှားသူတစ်ဦးအား ငြိမ်းချမ်းစွာစုစည်းခွင့်နှင့် ငြိမ်းချမ်းစွာ ဖော်ထုတ်ခွင့် အခွင့်အရေးများ ကျင့်သုံးသည့်အတွက် တရားစွဲဆို/ ဝင်ရောက်ဖမ်းဆီးခြင်းသည် လူ့ အခွင့်အရေးနှင့် ဒီမိုကရေစီစံနှုန်းများကို ချိုးဖောက်ရာရောက်သည့်အပြင် အရပ်ဘက်လူမှုအဖွဲ့အစည်း များ၏ အခန်းကဏ္႑ကို ခြိမ်းခြောက်ခြင်းဖြစ်သည်။
(ဂ)      ယခုကဲ့သို့ မတရားပုဒ်မတပ်၍တရားစွဲဆိုခြင်း၊ ဝင်ရောက်ဖမ်းဆီးခြင်းသည် လက်ရှိငြိမ်းချမ်းရေးဖြစ်စဉ် နှင့် အနာဂတ်ဖက်ဒရယ်နိုင်ငံတည်ဆောက်ရေး လုပ်ငန်းစဉ်များအတွက် လွန်စွာရုပ်ဆိုးသည်။

၃။        သို့ဖြစ်ရာ သဘာဝပတ်ဝန်းကျင်ထိန်းသိမ်းရေး တက်ကြွလှုပ်ရှားသူ စောသာဘိုးအား စွဲဆိုထားသည့် အမှု များအား ချက်ချင်းပယ်ဖျက်ရန်နှင့် လူ့အခွင့်အရေး၊ နိုင်ငံသားအခွင့်အရေး၊ ဌာနေတိုင်းရင်းသားအခွင့်အရေးများ နှင့် ဒီမိုကရေစီ စံချိန်စံနှုန်းများကို လေးစားလိုက်နာရန် ဒို့မြေကွန်ရက်က တောင်းဆိုသည်။

– ဆက်သွယ်ရန် –
ကိုစည်သူ         – ၀၉ ၇၉၀ ၇၃၉ ၄၈၈
မိခမွန်း  – ၀၉ ၄ဝ၁ ၆ဝ၁ ၈၂၂


သဘောထားကြေညာချက်အား ရယူရန် (မြန်မာဘာသာဖြင့်) (အင်္ဂလိပ်ဘာသာဖြင့်)

အလားတူ ကြေညာချက်များအား ရယူရန် –
* ကရင်မြစ်ချောင်းများ စောင့်ကြည့်ရေးအဖွဲ့ (မြန်မာဘာသာ) (အင်္ဂလိပ်ဘာသာ)
* မြန်မာနိုင်ငံ ပွင့်လင်းမြင်သာမှုနှင့် တာဝန်ယူမှု တာဝန်ခံမှုဆိုင်ရာ အရပ်ဘက်မဟာမိတ်အဖွဲ့ (မြန်မာဘာသာ)
* သံလွင်မြစ်ထိန်းကာကွယ်ရေးကွန်ယက် (မြန်မာဘာသာ) (အင်္ဂလိပ်ဘာသာ)

တရုတ်ပြည်သူ့သမ္မတနိုင်ငံ သမ္မတ၏ ပြည်ထောင်စုမြန်မာနိုင်ငံခရီးစဉ်နှင့် ပတ်သက်၍ ဒို့မြေကွန်ရက်၏ သဘောထားကြေညာချက်

တရုတ်ပြည်သူ့သမ္မတနိုင်ငံ သမ္မတ၏ ပြည်ထောင်စုမြန်မာနိုင်ငံခရီးစဉ်နှင့် ပတ်သက်၍ ဒို့မြေကွန်ရက်၏ သဘောထားကြေညာချက်

၁၇ ဇန်နဝါရီ ၂ဝ၂ဝ

ဒို့မြေကွန်ရက်သည် နိုင်ငံတဝှမ်းရှိမြေယာအရေးလှုပ်ရှားကြသည့် အရပ်ဘက်အဖွဲ့အစည်းများ၊ တောင်သူလယ်သမား သမဂ္ဂများနှင့် မိတ်ဘက်အဖွဲ့များပါဝင်သည့် အမျိုးသားအဆင့် တိုင်းရင်းသားပေါင်းစုံပါဝင်သော ကွန်ရက်တစ်ခု ဖြစ်သည်။

တရုတ်ပြည်သူ့သမ္မတနိုင်ငံ သမ္မတရှီကျင်းပင်သည် ၂ဝ၂ဝ-ခုနှစ် ဇန်နဝါရီလတွင် မြန်မာနိုင်ငံအတွင်း သံတမန်ခရီးစဉ် တစ်ခုရှိပြီး အဆိုပါခရီးစဉ်အတွင်း ရင်းနှီးမြှုပ်နှံမှုဆိုင်ရာသဘောတူညီချက်များကိုလည်း ရေးထိုးမည်ဟု ကြားသိရ ပါသည်။ သို့ဖြစ်ရာ အဆိုပါခရီးစဉ်နှင့်သဘောတူညီချက်များအပေါ် ဒို့မြေကွန်ရက်က အောက်ပါအတိုင်း သဘောထား ကြေညာချက်ကို ထုတ်ပြန်အပ်ပါသည်။

၁။ မြန်မာနိုင်ငံ၏ မြေယာပြဿနာများနှင့် မတရားမြေသိမ်းမှုများသည် ယနေ့အချိန်ထိ ထိရောက်စွာဖြေရှင်းပြေလည် နိုင်ခြင်းမရှိသေးပဲ ဆက်လက်ရှုပ်ထွေးနေဆဲဖြစ်သည်။ လက်ရှိမြေနှင့်သက်ဆိုင်သည့်ဥပဒေမူဘောင်များနှင့် ပြဿနာ ဖြေရှင်းရေးယန္တရားများက အဆိုပါပြဿနာများကို ဖြေရှင်းပြေလည်နိုင်ခြင်းမရှိသည့်အပြင် မတရားမြေသိမ်းဆည်းမှု များကို တရားဝင်ဆောင်ရွက်ခွင့်ပြုသည့် ဥပဒေမူဘောင်များဖြစ်နေသည့်အတွက် မြေယာပြဿနာများကို ပိုမိုးဆိုးဝါး လာစေလျက်ရှိသည်။ အထူးသဖြင့် ဓလေ့ထုံးတမ်းအရမြေယာရယူစီမံခန့်ခွဲအသုံးပြုမှုစနစ်များကို ခြိမ်းခြောက်လျက် ရှိနေပြီး တိုင်းရင်းသားဒေသများရှိပြည်သူများ၊ စစ်ဘေးရှောင်ပြည်သူများကို မြေမဲ့ယာမဲ့များဖြစ်နေစေသည်။

၂။ ရင်းနှီးမြှုပ်နှံမှုစီမံကိန်းများသည် (အထူးသဖြင့် တရုတ်-မြန်မာစီးပွားရေးစင်္ကြ ံအတွင်းမှ စီမံကိန်းများ) မြေယာ ပြဿနာများနှင့် တိုက်ရိုက်ပတ်သက်လျက်ရှိပြီး ယနေ့အချိန်ထိ မဖြေရှင်းနိုင်သေးသည့် ပြဿနာများစွာလည်း ရှိနေသည်။ ဆက်လက်ဆောင်ရွက်မည့်/ ဆောင်ရွက်ရန် သဘောတူမည့်စီမံကိန်းများ၊ လုပ်ငန်းများအတွက်လည်း ဒေသခံပြည်သူများ၏ စိုးရိမ်ပူပန်မှုများ မြှင့်တက်လျက်ရှိသည် – (အထူးသဖြင့် စီမံကိန်းများကြောင့် လျော်ကြေးပင် မရပဲ မြေသိမ်းခံရမည့် ဥပဒေအရဖယ်ကျဉ်ခံနေရသော ဓလေ့ထုံးတမ်း မြေယာစီမံအုပ်ချုပ်မှုအောက်မှ မရေမတွက် နိုင်သောပြည်သူများ)။

၃။ ထို့အပြင် တရုတ်-မြန်မာစီးပွားရေးစင်္ကြ ံအတွင်းရှိ စီမံကိန်းများ၊ သဘောတူညီမှုများကိုဆုံးဖြတ်ခြင်း၊ အကောင် အထည်ဖော်ခြင်းများတွင် အောက်ပါအချက်များကို သုံးသပ်တွေ့ရှိရသည်။

  • စီမံကိန်းများ၊ သဘောတူညီမှုများကိုဆုံးဖြတ်ရာ၌ သက်ဆိုင်ရာဒေသခံများ၊ ထိခိုက်ခံရနိုင်ခြေရှိသူများ၊ တိုင်းရင်းသားနိုင်ငံရေးပါတီများ၊ တိုင်းရင်းသားလက်နက်ကိုင်အဖွဲ့အစည်းများ၊ အရပ်ဘက်အဖွဲ့အစည်းများ ပါဝင်နေခြင်းမရှိ။
  • ရှိနှင့်ပြီးသား မြေယာပြဿနာများကို ဖြေရှင်းပြေလည်နိုင်ခြင်းမရှိသေးပဲ စီမံကိန်းအသစ်များကို သဘောတူ လက်မှတ်ထိုးခြင်းများသည် ဒေသခံများအတွက်သာမက ရင်းနှီးမြှုပ်နှံသူများအတွက်ပါ အန္တရာယ်များသည်။
  • တိုင်းရင်းသားဒေသများတွင် တိုးမြှင့်ကျယ်ပြန်လာနေသော လက်နက်ကိုင်ပဋိပက္ခများသည် ရှုပ်ထွေးနေဆဲ မြေယာကဏ္႑အတွင်း ပဋိပက္ခကို ပိုမိုတိုးပွားလာစေမည့်အန္တရာယ်ရှိနေကြောင်း ထင်ရှားသည့် အထောက် အထားများဖြစ်သည်။
  • သတင်းအချက်အလက် လုံလောက်စွာမရသောကြောင့် ပြည်သူများက စီမံကိန်းများအပေါ် ဆန့်ကျင် ကန့်ကွက်ကြမည့် အလားအလာများရှိသကဲ့သို့ ပွင့်လင်းမြင်သာမှုကင်းမဲ့ခြင်းများက ရှိနှင့်ပြီးသား အကျင့် ပျက်ခြစားမှုများကို ပိုမိုဆိုးဝါးလာစေနိုင်သည်။
  • ရင်းနှီးမြှုပ်နှံမှုများကြောင့် ပဋိပက္ခများတိုးပွားစေပြီး ငြိမ်းချမ်းရေးကိုထိခိုက်နေသည့် ဖြစ်စဉ်များသည်  နှစ်နိုင်ငံဆက်ဆံရေးကိုလည်း ထိခိုက်လာနိုင်သည်။

၄။ အဆိုပါအခြေအနေတွင် အိမ်နီးချင်းနှစ်နိုင်ငံ၏ ကောင်းမွန်သော သံတမန်ဆက်ဆံရေးကို ဆက်လက်ထိန်းသိမ်း နိုင်ရန်နှင့် ၎င်းမှတဆင့် ပိုမိုကောင်းမွန်သည့်အကျိုးဆက်များ ဆက်လက်ရရှိနိုင်ရန်အတွက် အောက်ပါအချက်များ လိုက်နာဆောင်ရွက်နိုင်ပါရန် တောင်းဆိုပါသည်။

  • စီမံကိန်းနှင့်ပတ်သက်သည့် ဒေသရှိ ပြည်သူများ၊ ထိခိုက်ခံရနိုင်ခြေရှိသူများ၊ တိုင်းရင်းသားနိုင်ငံရေးပါတီများ၊ တိုင်းရင်းသားလက်နက်ကိုင်အဖွဲ့များသည် စီမံကိန်းရေးဆွဲရေး၊ သဘောတူရေး၊ အကောင်အထည်ဖော်ရေး ဖြစ်စဉ်တစ်လျှောက်လုံးတွင် အဓိက ဆုံးဖြတ်ချက်ချရာ၌ ပါဝင်နေရမည်။
  • ဆောင်ရွက်နေဆဲစီမံကိန်းများ၊ ဆက်လက်သဘောတူမည့်စီမံကိန်းများသည် လက်ရှိမြေယာပြဿနာများကို ဆက်လက်ရှုပ်ထွေးစေနိုင်သည့်အတွက် ဖြေရှင်းပြေလည်စေမည့်နည်းလမ်းများကို ဦးစွာဖော်ထုတ်ပြင်ဆင် ဆောင်ရွက်ရန် တာဝန်ခံရမည် ။
  • ဒေသခံများ၊ တိုင်းရင်းသားများ၏ ဓလေ့ထုံးတမ်းအရမြေယာစီမံအုပ်ချုပ်မှုစနစ်များကို အသိအမှတ်ပြု လေးစားလိုက်နာရမည်။ လက်နက်ကိုင်ပဋိပက္ခကြောင့် နေရပ်စွန့်ခွာတိမ်းရှောင်နေရသူများ၏ မြေယာ အခွင့်အရေးများကို အပြည့်အဝ အာမခံမှု ရှိရမည်။
  • မြေယာအခွင့်အရေးသည် လူ့အခွင့်အရေးဖြစ်သည့်အလျောက် – တရုတ်၏ ရင်းနှီးမြှုပ်နှံမှုစီမံကိန်းများသည် လူ့အခွင့်အရေးချိုးဖောက်သော/ လူ့အခွင့်အရေးချိုးဖောက်မှုကို အားပေးသော စီမံကိန်းများမဖြစ်စေရန် အာမခံ တာဝန်ယူ၊ တာဝန်ခံရမည်။
  • ရင်းနီးမြှုပ်နှံမှုများသည် မြေနှင့်ဆက်စပ်နေသည့် သဘာဝပတ်ဝန်းကျင်ဂေစနစ် ထိခိုက်ပျက်စီးစေကြောင်း အထောက်အထားများရှိပြီး ဖြစ်သောကြောင့်  သဘာဝပတ်ဝန်းကျင်ဂေဟစနစ် ထိခိုက်ပျက်စီးမှုမရှိစေရန် အာမခံ တာဝန်ယူ၊ တာဝန်ခံရမည်။
  • အထက်ပါအခြေအနေများကို မရရှိနိုင်သေးသည့်ဒေသများ၊ စီမံကိန်းများကို တွန်းအားပေးခြင်းမပြုပဲ ဆိုင်းငံ့ ထားရမည်။

ဆက်သွယ်ရန်

၁။ ကိုစည်သူ       ၀၉ ၇၉၀၇၃၉ ၄၈၈
၂။ မိခမွန်း             ၀၉ ၄၀၁၆၀ ၁၈၂၂


ဒို့မြေကွန်ရက်၏ သဘောထားကြေညာချက်ကို အင်္ဂလိပ်ဘာသာ သို့မဟုတ် မြန်မာဘာသာဖြင့် ရယူနိုင်သည်။


အခြားအဖွဲ့အစည်းများ၏ ဆက်စပ်သဘောထားကြေညာချက်များ (မြန်မာဘာသာဖြင့်) –

နေရပ်စွန့်ခွာတိမ်းရှောင်ရသူများနှင့် ဘေးဒုက္ခသည်များ၏ မြေယာရပိုင်ခွင့်ဆိုင်ရာ ကြေညာစာတမ်း

၂ဝ၁၉-ခုနှစ်၊ သြဂုတ်လ(၂၁)ရက်နေ့

အဖွင့်နိဒါန်း

၂၀၁၆ ခုနှစ်မှစ၍ မြန်မာနိုင်ငံ အနယ်နယ်အရပ်ရပ်မှ ပြည်တွင်းနေရပ်စွန့်ခွာ စစ်ဘေးတိမ်းရှောင်ခဲသ့ ူများနှင့် စစ်ဘေးဒုက္ခသည်များအပြင် ၎င်းတို့ကို အနီးကပ်ပံ့ပိုးကူညီပေးလျက်ရှိသည့် နယ်ခံအဖွဲ့အစည်းများ အတူတကွ စုစည်း၍ ၎င်းတို့၏ နေရပ်ပြန်ရေးနှင့် မူလရပိုင်ခွင့်ပြန်လည်ရရှိရေးဆိုင်ရာ မြေယာကိစ္စရပ်များကို အတူတကွ ဆွေးနွေးအဖြေရာ၍ စည်းရုံးရေးဆိုမည့် လုပ်ငန်းစဉ်တစ်ရပ်ကို ၀ိုင်း၀န်ဖော်ဆောင်လာခဲ့ကြပါသည်။

မြန်မာနိုင်ငံသည် ဆယ်စုနှစ်ပေါင်းများစွာ စစ်ပွဲဒဏ်သင့်လာခဲ့သည့် နိုင်ငံတစ်ခု၏ ရလဒ်အနေဖြင့် တိုင်းရင်း သားရပ်ရွာအသိုက်အ၀န်းပေါင်းများစွာ မူရင်းရပ်ရွာဒေသများကို စွန့်ခွာထွက်ပြေးခဲ့ကြရပြီး မိမိတို့၏ မြေယာ ပိုင်ဆိုင်ခွင့်အပါအ၀င် လူ့အခွင့်အရေးအားလုံးနီးပါး ထိခိုက်နစ်နာခဲ့ရသည်။ မြေယာပိုင်ဆိုင်ခွင့်အခွင့်အရေးကို အနှစ်သာရရှိရှိဖြင့် အပြည့်အ၀အသိအမှတ်ပြုမှုအပါအ၀င် IDPs နှင့် Refugees များအတွက် တရားမျှတမှုရှာ ဖွေရာ၌ စိန်ခေါ်မှုအခက်အခဲများစွာ ကြုံတွေ့ရလျက်ရှိသည်။ ဤကဲ့သို့သော စိန်ခေါ်မှုအခက်အခဲများကြောင့် ကချင်၊ ကရင်နီ၊ ကရင်၊ မွန်နှင့် ရှမ်းပြည်နယ်(၅)ခုမှ ပြည်တွင်းနေရပ်စွန့်ခွာ စစ်ဘေးတိမ်းရှောင်သူများနှင့် စစ်ဘေးဒုက္ခသည်များအပါအ၀င် ၎င်းတို့ကို ကူညီထောက်ပံ့ပေးလျက်ရှိသည့် ပြည်တွင်းအရပ်ဖက်အဖွဲ့အစည်း များမှ ကိုယ်စားလှယ်များသည် အထူးသဖြင့် IDPs နှင့် Refugees များ၏ မြေယာရပိုင်ခွင့်အခွင့်အရေးနှင့် ပတ် သက်၍ ကြုံတွေ့ရလျက်ရှိသည့် စိန်ခေါ်မှုအခက်အခဲများနှင့် အတွေ့အကြုံများကို အစဉ်တစိုက်ဆွေးနွေးအဖြေ ရှာလာခဲ့ကြပြီး လာမည့်အနာဂတ်၌ မဟာဗျူဟာကျကျ တုန့်ပြန်ဆောင်ရွက်နိုင်မည့် နည်းလမ်းများကို ဆွေးနွေး ဖော်ထုတ်၍ ၂၀၁၉ ခုနှစ် သြဂုန်လ ၂၁ ရက်နေ့၌ ဤသဘောထားကြောညာစာတမ်းကို ထုတ်ပြန်လိုက်ခြင်း ဖြစ်ပါသည်။

ဤသဘောထားကြေညာစာတမ်း၌ ကျွန်ုပ်တို့၏ အခြေခံမူများကို ထုတ်ပြန်ကြေညာ၍ ကျွန်ုပ်တို့၏ အဓိကကျ သည့် တောင်းဆိုချက်များကို မချပြမီ ကျွန်ုပ်တို့အသီးသီး ရင်ဆိုင်ကြုံတွေ့နေရသည့် တူညီသည့်အခြေအနေ များနှင့် ကွြဲပားခြားနားသည့် အခြေအနေများကို ဦးစွာရှင်းလင်းဖော်ပြထားပါသည်။ ဤသဘောထားကြေညာစာ တမ်းသည် “စာတမ်းရှင်” ဖြစ်သဖြင့် စာတမ်းအတွင်း IDPs နှင့် Refugees များအားလုံးကို ကိုယ်စားပြုထား သည်ဟု မဆိုနိုင်သော်လည်း ကျွန်ုပ်တို့ IDPs နှင့် Refugees များ၏ မြေယာဆိုင်ရာ ရပိုင်ခွင့်အခွင့်အရေးကို အ နှစ်သာရရှိရှိ အသိအမှတ်ပြု၍ အကာအကွယ်ပေးကာ ပြန်လည်ရယူခံစားပိုင်ခွင့် အပြည့်အ၀ရရှိစေသည့် အခြေ အနေသို့ ဦးတည်လာစေရန်အတွက် အချက်အလက်များဖော်ထုတ်ရန်၊ အလေးပေးအာရုံစိုက်ဆောင်ရွက်ရန်၊ ဆွေးနွေးအဖြေရှာသည့် စကား၀ိုင်းများဖြစ်ထွန်းလာစေရန်၊ နိုင်ငံရေးရေချိန်နှင့် စည်းလုံးညီညွတ်မှု ခိုင်မာအား ကောင်းလာအောင်တည်ဆောက်သွားရန် ရည်ရွယ်ခြင်းဖြစ်ပါသည်။

နေရပ်စွန့်ခွာတိမ်းရှောင်ရသူများနှင့် ဘေးဒုက္ခသည်များ၏ မြေယာရပိုင်ခွင့်ဆိုင်ရာ ကြေညာစာတမ်း အပြည့်အစုံဖတ်ရှုရန် . . . (၂ဝ၁၉-ခုနှစ်၊ သြဂုတ်လ(၂၁)ရက်နေ့)(English) (Burmese)

မြေသိမ်းမှုများကို ထောက်ပံ့ခြင်းများရပ်ဆိုင်းပါရန် AIIB ဘဏ်သို့ ပေးပို့သည့် PCFS ၏ သဘောထားကြေညာချက်

http://foodsov.org/to-aiib-stop-bankrolling-landgrabs/

၁၄ ဇူလိုင် ၂ဝ၁၉

Asian Infrastructure and Investment Bank (AIIB) [အာရှအခြေခံအဆောက်အအုံနှင့် ရင်းနှီးမြှုပ်နှံမှုဘဏ်] အနေနှင့် မြေသိမ်းမှုများကိုဖြစ်စေသည့်၊ ကျေးလက်ပြည်သူများ ရွေ့ပြောင်းရစေသည့် စီမံကိန်းများအတွက် ငွေကြေးပံ့ပိုးနေခြင်းကို ရပ်တန့်ပါရန် Peoples Coalition on Food Sovereignty (PCFS) [အစားအစာအုပ်စိုးစီမံမှုဆိုင်ရာ လူထုမဟာမိတ်] က သဘောထားကြေညာချက် ထုတ်ပြန်တောင်းဆိုသည်။ တရုတ်၏ ခါးပတ်တစ်ကွင်း၊ လမ်းတစ်စင်း (Belt & Road Initiative – BRI) စီမံကိန်းများကို အဓိက ရည်ညွှန်းသည်။ လူဇင်ဘာ့ခ်တွင် ဇူလိုင်လ ၁၂-၁၃ ရက်နေ့များ၌ပြုလုပ်ခဲ့သည့် AIIB ၏ နှစ်ပတ်လည်အစည်းအဝေးတွင် တောင်းဆိုခဲ့သည့် ကျေးလက်နေပြည်သူများ၏ တာဝန်ခံမှုနှင့် ပွင့်လင်းမြင်သာမှု ပိုမိုကောင်းမွန်းစေရေး တောင်းဆိုချက်များကို ကျွန်ုပ်တို့ထောက်ခံသကဲ့သို့ လူထုမြေယာအခွင့်အရေးချိုးဖောက်မှုများအတွက် တရားမျှတမှု တောင်းဆိုခြင်းအတွက်လည်း ကျွန်ုပ်တို့ထောက်ခံသည်။

AIIB အနေနှင့် ကာလအရှည်ကြာဆုံးရပ်တည်ခဲ့သည့် နိုင်ငံစုံပါဝင်သည့်ဘဏ်တစ်ခုဖြစ်သည်ဟု ပြောဆိုထားသော်လည်း မကြာသေးမီက ထုတ်ပြန်ချက်များအရ ကမ်ဘာ့တောင်ဘက်ခြမ်း နိုင်ငံ(၆ဝ)ကျော်ကိုဖြန့်ကျက်လျက် တရုတ်ကငွေကြေးပံံပိုးထားသည့် ပို့ဆောင်ရေး၊ အဏ္ဏဝါရေကြောင်း၊ စွမ်းအင်၊ ကုန်သွယ်ရေးများ စီမံကိန်း ၇,ဝဝဝ ကျော်ပါဝင်သော BRI အစီအစဉ်အတွက် အမာခံပံ့ပိုးနေသည့် ဘဏ္႑ာရေးအဖွဲ့အစည်းတစ်ရပ်ဖြစ်သည်ဟု ဖော်ပြနေသည်။

နိုင်ငံစုံပါဝင်သည့် ချေးငွေဘဏ်တစ်ခုဖြစ်သော်လည်း BRI စီမံကိန်းအများစု၏နောက်ကွယ်တွင် ပူးတွဲပံ့ပိုးသူ သို့မဟုတ် အဓိက ချေးငွေထုတ်ပေးနေသူတစ်ဦးအဖြစ် အစဉ်တစိုက် ရှိနေခဲ့ပါသည်။ ဤအချက်က AIIB ဥက္ကဌ ကျင်းလိချွင်၏ BRI အပေါ်အာရုံစိုက်၍ ဘဏ်၏ကိုယ်ပိုင်ရင်းနှီးမြှုပ်နှံမှုပုံရိပ်ထူထောင်ရန်နှင့် ဘဏ်ကို BRI ၏ “အမွှာအင်ဂျင်” တစ်လုံးအဖြစ် ရှုမြင်ရန် ဟူသည့် ကြေညာချက်များကို အရှိန်မြှင့်တင်စေသည်ဟု သေချာစေသည်။[i] AIIB ၏ အဖွဲ့ဝင်နိုင်ငံစုစုပေါင်း ၈၇-နိုင်ငံမှ နိုင်ငံ ၆ဝ-ကျော်က BRI ၏ အစိတ်အပိုင်းများဖြစ်နေသည်။ ထို့အတွက် လက်ရှိတွင် ကမ်ဘာ့တောင်ပိုင်းနိုင်ငံများမှ ကျေးလက်နေပြည်သူများကို ထိခိုက်စေနိုင်သည့် တရုတ်၏ နယ်မြေချဲ့ထွင်ငွေကြေးချေးငှားရေးဗျူဟာကို AIIB က ပံ့ပိုးလျက်ရှိနေသည်။

ဟောင်ကောင်တွင် ယခင်လအတွင်း PCFS နှင့် APRN (အာရှ-ပစိဖိတ်သုတေသနကွန်ရက်) တို့က တရုတ်၏ BRI နှင့် ၎င်း၏ကျေးလက်ပြည်သူများအပေါ် အကျိုးဆက်များအတွက် ဖိုရမ်တစ်ခု ကျင်းပပြုလုပ်ခဲ့သည်။ အာရှ၊ အာဖရိက၊ လက်တင်အမေရိကဒေသများမှ တက်ရောက်သူများ၏ ဆွေးနွေးချက်များ၊ ကောက်ချက်များမှတဆင့် ကျေးလက်ပြည်သူများနှင့် အစားအစာအုပ်စိုးစီမံမှုအခွင့်အရေးအပေါ် BRI ၏ ဆိုးကျိုးသက်ရောက်မှု ပုံရိပ်တစ်ခုကို ဖော်ထုတ်နိုင်ခဲ့သည်။ နေရပ်စွန့်ခွာရွေ့ပြောင်းရခြင်း၊ မြေသိမ်းခြင်း၊ အရှက်ရခြင်း၊ ယဉ်ကျေးမှုများ ထိခိုက်ပျက်သုဉ်းခြင်း၊ ဒေသများတွင် ထိရှလွယ်ဖြစ်မှု ပိုတိုးလာခြင်းစသည့် လူ့အခွင့်အရေးချိုးဖောက်မှုဖြစ်ရပ်များစွာကို တွေ့ရှိခဲ့ရသည်။

မြေယာအခွင့်အရေးအတွက် ခြိမ်းခြောက်မှုတစ်ရပ်။
ဒေသတွင်းနှင့် နိုင်ငံများတွင် ပြည်သူလူထုက ရှင်းလင်းစွာမသိရ၊ လက်လှမ်းမမှီသည့် BRI စီမံကိန်းများစွာကို လုံလောက်သော ပတ်ဝန်းကျင်နှင့်လူမှုရေး ဆန်းစစ်ချက်များမပါပဲ AIIB က ပူးတွဲငွေကြေးပံ့ပိုးပေးနေခဲ့သည်။ အထက်တွင်ဖော်ပြခဲ့သည့်အတိုင်း မြေသိမ်းမှုများနှင့် နေရာရွေ့ပြောင်းအခြေချစေခြင်း ကိစ္စရပ်များဖြစ်စေသည့် အကြီးစားရေလှောင် တမံများ၊ လမ်းမကြီးများ၊ ဆိပ်ကမ်းများ၊ စွမ်းအင်ထိန်းရုံများဆိုင်ရာ စီမံကိန်းများဖြစ်ကြသည်။

ယနေ့ကာလ ကမ်ဘာပေါ်တွင် တရုတ်နိုင်ငံသည် လျင်မြန်စွာကြီးထွားလာနေသည့် မြေသိမ်းသူဖြစ်လာလျက်ရှိသည်။ လွန်ခဲ့သည့် ဆယ်စုနှစ်တာကာလတစ်ခုအတွင်းတွင်ပင် အရောင်းအဝယ်ဖြစ်မြောက်ပြီး မြေယာကိစ္စ ၅.၆ သန်း အပါအဝင် စုစုပေါင်း မြေယာရောင်းဝယ်မှု ၁၂.၇ သန်း ရှိခဲ့သည့်အတွက် BRI သည် ကမ်ဘာ့တောင်ပိုင်းမှ ကျေးလက်နေပြည်သူများ၏ဘဝများကို ပျက်စီးစေသည့်အဓိကမောင်းနှင်သူတစ်ဦး ဖြစ်လာခဲ့သည်။

ကမေ်ဘာဒီးယားနိုင်ငံ တစ်နိုင်ငံတည်းကိုကြည့်လျှင်ပင် (Preah Vihear ခရိုင်မှ ကွမ်တုံဟိန်းဖူ-သကြားကုမ္ဗဏီ၏ ကြံစိုက်ပျိုးရေးအတွက် မြေ ဟက်တာ ၃၆,ဝဝဝ အပါအဝင်) စုစုပေါင်း မြေဧက ၃၇ဝ,ဝဝဝ ခန့်ကို တရုတ်ကုမ္ဗဏီများအတွက် အကြီးစားမြေအသုံးပြုခွင့် ၄၂-ခုအောက်မှ ပေးအပ်ခဲ့သည်။[ii] သကြားတင်ပို့နိုင်ရေးအတွက် ထောင်ဂဏန်းရှိသော တောင်သူများ၊ ကိုး (Kuy) တိုင်းရင်းသားများ နေရပ်ရွေ့ပြောင်းခဲ့ရသည်။

ဖိလစ်ပိုင်နိုင်ငံ၊ ကွီဇုံတွင် အမေရိကန်ဒေါ်လာ ၃၇၄-သန်းတန်ဖိုးရှိသည့် ရာပြည့်ရေအရင်အမြစ်အသစ် – ကလီဝရေကာတာစီမံကိန်းအတွက် တရုတ်အစိုးရက ငွေကြေးပံ့ပိုးခဲ့သည်။ အဆိုပါစီမံကိန်းအတွက် AIIB က အဓိက ထောက်ပံ့ပေးခြင်းဖြစ်ကာ ထောင်ပေါင်းများစွာသော တောင်သူများ၊ ဌာနေတိုင်းရင်းသားများကို ရွေ့ပြောင်းနေထိုင်စေရန် ဖန်တီးထားပြီး သောင်းဂဏန်းပမာဏ အရေအတွက်ရှိသော ပြည်သူများကို ထိခိုက်စေမည်ဖြစ်သည်။

အစားအစာအခွင့်အရေးအတွက် ခြိမ်းခြောက်မှုတစ်ရပ်။
ကမ်ဘာ့စိုက်ပျိုးထုတ်ကုန်ကူးသန်းရောင်းဝယ်ရေးအတွင်း တရုတ်၏အခန်းကဏ္ဍခိုင်မာစေရေးသည် BRI ၏ စိုက်ပျိုးရေးစီမံကိန်းများစွာအတွက် အသည်းနှလုံးဖြစ်သည်။ ၁၄-နှစ်တာကာလအတွင်း စိုက်ပျိုးရေးကဏ္ဍအတွက် တရုတ်၏ရင်းနှီးမြှုပ်နှံမှုပမာဏ အမေရိကန်ဒေါ်လာ ၉၈-ဘီလီယံရှိခဲ့ပြီး[iii] – အဆိုပါ ပမာဏအတွင်းမှ ၇၅% ကို လွန်ခဲ့သည့် ငါးနှစ်အတွင်းရင်းနှီးမြှုပ်နှံခဲ့ခြင်းဖြစ်သည်။[iv] 
GRAIN ၏ လေ့လာမှုတစ်ခုအရ တရုတ်သည် “အလွန်အမင်း ဝယ်ယူရောင်းချရေးကို တွန်းအားပေးနေသည်၊ အမေရိကန် ဝက်သားထုတ်လုပ်ရေးနှင့် ဘရာဇီး ပဲပုပ်ထုတ်လုပ်ရေးများအပါအဝင် ကမ်ဘာ့ထုတ်လုပ်ရေးကွင်းဆက်များအတွင်း ဆင့်တက်ဝယ်ယူလျက်ရှိသည်၊ ဆွစ်အခြေစိုက် မျိုးစေ့ကုမ္ဗဏီကြီးဖြစ်သည့် Syngenta ၏ အဓိကပိုင်ဆိုင်မှုများကို ဝယ်ယူပြီး ကမ်ဘာ့မျိုးစေ့ကဏ္႑အတွင်း ပို၍ ထိန်းချုပ်မှု ရယူလျက်ရှိသည်”။[v]

ဤသို့ စိုက်ပျိုးရေးနှင့်နွယ်သည့် မြေယာရယူမှုများတွင် မိုဇမ်ဘစ်၊ ယူဂန်ဒါ၊ ဇမ်ဘီယာ၊ ကာဇက်ခ်စတန်၊ လာအိုနိုင်ငံများရှိ စိုက်ပျိုး-စက်မှုဥယျာဉ်ကြီးများလည်းပါဝင်သည်။ ဘရာဇီးနိုင်ငံအတွင်း တရုတ်၏ပဲပုပ် ပို့ကုန်များသည် အမေဇုန်သစ်တော ပျက်စီးရခြင်း၏ အဓိကတွန်းအားတစ်ခုဖြစ်ပြီး ဒေသတွင်းရှိ တောင်သူများနှင့် ဌာနေတိုင်းရင်းသားများကို နေရပ်မှနှင်ထုတ်စေသည့် အကြောင်းရင်းလည်းဖြစ်သည်။

သီရိလင်္ကာရှိ ဘဏ္ဍာရေးခရိုင်ဖြစ်သည့် BRI ကိုလမ်ဘိုတွင် AIIB က ငွေကြေးပံ့ပိုးထားသော ဆင့်ပွားစီမံကိန်းအချို့ ရှိနေပြီး[vi] တံငါသည်များ ၎င်းတို့၏ရေအရင်းအမြစ်များကို လက်လှမ်းမီမှုနှင့် ငါးဖမ်းယူရရှိမှုကို သိသိသာသာ လျော့ကျစေခဲ့သည်။ မြေပြန်ဖို့ခြင်းစီမံကိန်းအတွက် ကမ်းလွန်သဲထုတ်လုပ်ငန်းမှတဆင့် ကမ်းခြေတိုက်စားမှုများဖြစ်လာစေပြီး တံငါရွာများ ရွာလုံးကျွတ်ရွေ့ပြောင်းရခြင်းကို ဖြစ်ပေါ်စေခဲ့သည်။

ကာဇက်ခ်စတန်တွင် လယ်မြေဧကများစွာသိမ်းယူပြီး စိုက်ပျိုး-စက်မှုဥယျာဉ်များထူထောင်ခြင်းသည် ဒေသတွင်း အစားအစာအုပ်စိုးစီမံမှုအပေါ် ခြိမ်းခြောက်မှုတစ်ရပ်ဖြစ်သည်။ ဗဟိုအာရှဒေသသည် အဆိုပါနေရာများမှ ဆန်/ဂျုံများ၊ ဆန်/ဂျုံစိုက်ပျိုးရေးများအပေါ် အလွန်မှီခိုလျက်ရှိနေသည်။ ဒေသတွင်းရှိ စိုက်ပျိုးထုတ်လုပ်မှုနှင့် ထုတ်လုပ်မှုကွင်းဆက်ကို တရုတ်က ဝယ်ယူထိန်းချုပ်ခြင်းကြောင့် ကျေးလက်ငတ်မွတ်မှုနှင့် အာဟာရချို့တဲ့မှုများကို လျော့ချနိုင်မည်မဟုတ်ပါ။

ဇီဝအမျိုးစုံလင်ကွဲပြားမှုအတွက် ခြိမ်းခြောက်မှုတစ်ရပ်။
ကမ်ဘာ့တောရိုင်းတိရိစၦာန်စောင့်ရှောက်ရေးရံပုံငွေဟောင်ကောင်၏ အဆိုအရ တရုတ်၏ BRI သည် ခြိမ်းခြောက်ခံနေရပြီဖြစ်သည့် တိရိစၦာန်မျိုးစိတ် ရာဂဏန်းအထိ ထိခိုက်စေမည်ဟုဆိုသည်။ အဆိုပါမျိုးစိတ်များတွင် ပျောက်ကွယ်လုဆဲ ကျားများ၊ ပန်ဒါကြီးများ၊ Saiga Antelope (ရှားပါး တောဆိတ်တစ်မျိုး)၊ ကမ်ဘာပေါ်တွင် ဇီဝမျိုးစိတ်အကြွယ်ဝဆုံးဒေသဖြစ်သည့် – အရေးကြီး ငှက်မျိုးစိတ် ၁,၈ဝဝ ခန့်ရှိနေသည့်နေရာများ၊ ဇီဝအမျိုးစုံလင်ကွဲပြားသော အဓိကနေရာများ၊ ကမ်ဘာ့ဇီဝမျိုးစုံမျိုးကွဲများတည်ရှိရာ နေရာများနှင့် ကမ်ဘာ့ဂေဟဒေသ-၂ဝဝ ပါဝင်သည်။

AIIB ၏ ထောက်ပံ့မှုအပြည့်ဖြင့် တရုတ်၏ BRI ကို တွန်းအားပေးခြင်းသည် ကမ်ဘာ့တောင်ခြမ်းမှ ကျေးလက်နေပြည်သူများအပေါ် ဆိုးဝါးစွာ အကျိုးသက်ရောက်မှုကို ဆက်လက်ဖြစ်ပေါ်စေမည်ဖြစ်သည်။ နိုင်ငံစုံပါဝင်သည့်ဘဏ်ဖြစ်သည့် AIIB က ငွေကြေးပံ့ပိုးထားသော စီမံကိန်းများ၏ အကျိုးဆက်များကို စုံစမ်းစစ်ဆေး ဖော်ထုတ်ပေးပါရန် ကျွန်ုပ်တို့အနေနှင့် AIIB အဖွဲ့ဝင်များကို တောင်းဆိုသည်။ AIIB ငွေကြေးပံ့ပိုးထားသည့် စီမံကိန်းများရှိရာ နိုင်ငံအစိုးရများနှင့် ထိတွေ့ချိတ်ဆက်ပြီး ပွင့်လင်းမြင်သာမှုနှင့် တာဝန်ခံမှုများကို တောင်းဆိုကြရန် PCFS ၏ အဖွဲ့ဝင်များနှင့် ကွန်ရက်များကို တိုက်တွန်းသည်။ နောက်ဆုံးအချက်အဖြစ် အခြေခံအဆောက်အအုံဆိုင်ရာ ဆုံးဖြတ်ချက်များနှင့် အစီအစဉ်များအသည် ကျေးလက်နေပြည်သူများ၏လိုအပ်ချက်နှင့် ဖွံ့ဖြိုးရေးဆိုင်ရာ ဦးစားပေးချက်များအပေါ် ၎င်းတို့ကိုယ်တိုင်ဆုံးဖြတ်ခွင့်ကို အခြေခံရမည်ဟူသော ကျွန်ုပ်တို့၏တောင်းဆိုချက်ဖြင့် ထပ်မံတိုက်တွန်းသည်။ ###


[i] https://www.chinadailyhk.com/articles/18/35/125/1557557982955.html
[ii] Landmatrix (as calculated April 2019)
[iii] https://www.aei.org/china-global-investment-tracker/
[iv] Ibid
[v] https://www.grain.org/en/article/6133-the-belt-and-road-initiative-chinese-agribusiness-going-global
[vi] https://www.aiib.org/en/news-events/news/2019/20190404_002.html

Reference: http://foodsov.org/to-aiib-stop-bankrolling-landgrabs/

Disclaimer
[PCFS ၏ သဘောထားကြေညာချက်ဖြစ်ပြီး သတင်းအချက်အလက်အနေနှင့်သာ မြန်မာဘာသာသို့ပြန်ဆိုထားခြင်းဖြစ်သည်။ တစ်စုံတစ်ရာကွဲလွဲမှုရှိပါက မူရင်း အင်္ဂလိပ်ဘာသာကသာ အတည်ဖြစ်သည်။ သက်ဆိုင်ရာ အမည်များကို အနီးစပ်ဆုံး ဘာသာပြန်ဆိုထားခြင်းဖြစ်သည်။]

ပထမဆုံးအကြိမ် ကော်သူးလေတစ်ခုလုံးဆိုင်ရာကျေးရွာပိုင်ဘုံသစ်တော နှီးနှောဖလှယ်ပွဲထုတ်ပြန်ကြေငြာချက်

၂ဝ၁၉ ခုနှစ်၊ ဇူလိုင်လ၊ ၄ ရက်

ကော်သူးလေတစ်ခုလုံးဆိုင်ရာ ကျေးရွာပိုင်ဘုံသစ်တော ပထမဆုံးအကြိမ်နှီးနှောဖလှယ်ပွဲကို ၂ဝ၁၉ ခုနှစ်၊ ဇူလိုင်လ ၁ ရက် နေ့မှ ၃ ရက်နေ့အထိဖားအံခရိုင်၊ ပိုင်ကျုံမြို့နယ်၊ ပိတခကျေးရွာတွင် ကျင်းပခ့ဲပါသည်။ နှီးနှောဖလှယ်ပွဲတွင် ဌာနေ တိုင်းရင်း သားများ၊ နိုင်ငံတကာ အဖ့ွဲအစည်းများ၊ အရပ်ဖက်လူမှုအဖ့ွဲအစည်းများ၊ ကော်သူးလေဗဟို၊ ခရို်င်၊ မြို့နယ်သစ်တောဌာနနှင့် ကျေးရွာလူထုပိုင်ဘုံသစ်တော ကော်မတီမှကိုယ်စားလှယ်များ၊ အားလုံးစုစုပေါင်းလူဦးရေ (၂၄၄) ဦးတက်ရာက်ခ့ဲကြသည်။

ယခုပြုလုပ်သည့်နှီးနှောဖလှယ်ပွဲတွင် ခရိုင်တစ်ခုချင်းစီ၏ ကျေးရွာပိုင်ဘံသု စ်တောများစီမံအုပ်ချုပ်ခြင်းဆိုင်ရာ လုပ်ငန်းစဉ် များနှင့် ပတ်သက်ပြီး တစ်ဖ့ွဲချင်းအလိုက်ဆွေးနွေးနှီးနှောဖလှယ်ခြင်းနှင့်အတူ လေ့လာသင်ယူမှုများကို ပြုလုပ်ခ့ဲကြသည်။ ထို့အပြင် နိုင်ငံတကာရှိ ဌာနေတိုင်းရင်းသားများဆောင်ရွက်နေသော ကျေးရွာလလူထုပိုင်ဘုံသစ်တောများထိန်းသိမ်းစီမံ အုပ်ချုြပ်ခင်းဆိုင်ရာ နည်းလမ်းများကို ကော်သူးလေနယ်မြေအတွင်းရှိဌာနေတိုင်းရင်းသားများက လေ့လာသင်ယူခ့ဲသလို မိမိတို့၏ဒေသနှင့်လိုက်လျောညီထွေသည့် စီမံအုပ်ချုပ်မှုပုံစံများကို လေ့လာသင်ယူခ့ဲသည်။

ကျေးရွာပိုင်ဘုံသစ်တောကိုဖွဲစည်းခြင်းဖြင့် သဘာဝပတ်ဝန်းကျင်၊ ရိုးရာဓလေ့ယဉ်ကျေးမှုထိန်းသိမ်းရေး၊ ဒေသခံလူထု၏ စားဝတ်နေရေး၊ ကောင်းမွန်သောဒေသတွင်းအုပ်ချုပ်ရေးစနစ်အားကောင်းရေး၊ လူထုတစ်ရပ်လုံးကိုအကျိုးပြုနိုင်သော လက်တွဲပူးပေါင်းလုပ်ဆောင်မှုအားကောင်းစေရေး၊ စသည်တို့အတွက် မည်သို့အကျိုးပြုကြောင်းကို နှီးနှောဖလှယ်ပွဲသို့ တက်ရောက်လာသောကိုယ်စားလှယ်များက ၎င်းတို့၏အတေ့ွအကြုံများ တင်ပြဆွေးနွေးဖလှယ်ခ့ဲကြသည်။

၎င်းအပြင် ကျေးရွာပိုင်ဘုံသစ်တောဆိုင်ရာအားနည်းချက်၊ အားသာချက်များ၊ အခွင့်အရေး၊ စိန်ခေါ်မှုများနှင့်အတူ သဘာဝ ပတ်ဝန်းကျင်ဆိုင်ရာလူမှုအကျိုးပြုမှု၊ ရိုးရာဓလေ့နှင့်စီးပွားရေးဆိုင်ရာတိုးတက်ဖြစ်ထွန်းနိုင်မှုများအပေါ်ပြန်လည်သုံးသပ်ပြီး ကျေးရွာပိုင်ဘုံသစ်တောဆိုင်ရာ ရှေ့လုပ်ငန်းစဉ် (၁၈) ရပ်ကို အတူတကွချမှတ်ခ့ဲကြသည်။

ကော်သူးလေခရိုင်နှင့် မြို့နယ်အသီးသီးမှ ၂ဝ၁၁ ခုနှစ်မှစပြီး ၂ဝ၁၉ ခုနှစ်အထိ ခရိုင် (၇) ခရိုင်တွင် စုစုပေါင်းဧရိယာ ၂၄၄,၅၈၈.၀၃ ဧကရှိ ကျေးရွာပိုင်ဘုံသစ်တော (၁၅၁) ခု ဖ့ွဲစည်းတည်ထောင်ထားရှိပြီးဖြစ်သည်။ သို့သော် မြန်မာနိုင်ငံ အစိုးရ၏ မြေယာနှင့်သစ်တောဥပဒေများ၊ အကြီးစားဖ့ံွဖြိုးရေးလုပ်ငန်း၊ စီးပွားရေးစီမံကိန်းများနှင့်အမျိုးသားဥယျာဉ်၊ ကြိုးပြင်ကာကွယ်တောစသည့် ထိန်းသိမ်းသစ်တောနယ်မြေတိုးချဲ့ ဖ့ွဲစည်းမှုအစီအစဉ်များသည် ဒေသခံဌာနေလူထုတို့၏ ရေရှည်တည်တံ့ခိုင်မြဲသော ကျေးရွာလူထုပိုင်ဘုံသစ်တောစီမံအုပ်ချုပ်မှုစနစ်ကို ကြီးမားစွာခြိမ်းခြောက်နေသည်။

မြန်မာနိုင်ငံအတွင်း ငြိမ်းချမ်းရေးကို ချောမေ့ွစွာဖေါ်ဆောင်နိုင်ရန်အတွက် မြန်မာနိုင်ငံအစိုးရအနေဖြင့် ကျွန်ုပ်တို့ဌာနေ တိုင်းရင်းသားများနှင့် ကျွန်ုပ်တို့၏အခွင့်အရေးများကိုလေးစားရမည်။ ထို့အပြင်ဒေသခံပြည်သူလူထုများနှင့်တိုင်ပင်ညှိနှိုင်းမှု မရှိဘဲ တဖက်သတ်ဖော်ဆောင်နေသည့် ၎င်းတို့၏မြေယာ၊ သစ်တောဆိုင်ရာ ဥပဒေရေးဆဲြွပဌာန်းမှုများနှင့် အမျိုးသား ဥယျာဉ်၊ ကြိုးပြင်ကာကွယ်တော၊ စသည့် သဘာဝထိန်းသိမ်းရေးသစ်တောများတိုးချဲ့ ဖွဲ့စည်းမှုများသည် ဒေသခံဌာနေ ပြည်သူများ၏အသက်မွေးဝမ်းကြောင်းနှင့် ကျေးရွာလူထုပိုင်ဘုံသစ်တောလုပ်ငန်းများကို ကြီးမားစွာထိခိုက်နေသည်။ ထို့ကြောင့် အဆိုပါ ဥပဒေများနှင့်စီမံကိန်းများကို မြန်မာနိုင်ငံအစိုးရမှ ပြန်လည်သုံးသပ်ပြီးဖျက်သိမ်းရန် နှီးနှောဖလှယ်ပွဲသို့ တက်ရောက်လာသော ကျေးရွာပိုင်ဘုံသစ်တောကိုယ်စားလှယ်များမှ တစ်စိတ်တစ်ဝမ်းတည်း ညီညွတ်စွာ တောင်းဆို လိုက်သည်။

“ တို့ကျေးရွာတို့သစ်တောတို့ရ့ဲဘဝ”

ဆက်သွယ်ရန် –
ပထမဆုံးအကြိမ်ကော်သူးလေတခုလုံးဆိုင်ရာ ကျေးရွာလူထုပိုင်ဘုံသစ်တော နှီးနှောဖလှယ်ပွဲဖြစ်မြောက်ရေးကော်မတီ
(၁) နော်နေးဆယ်ဖေါ – ဝ၉၇၈ဝ၄၈၈၈၂၂ (ကရင်ဘာသာ)
(၂) စောဂျဲမဲ – ဝ၉၇၉၂ဝ၄၄၁၃၁ (ကရင်၊ မြန်မာဘာသာ)
(၃) စောကဲဒို – ဝ၉၄၅၃၂၈၁၆၂၉ (ကရင်၊ မြန်မာဘာသာ)

သဘောထားကြေညာချက်ကို ဤနေရာတွင် ရယူပါ။

“ ကော်” ရိုးရာဓလေ့နယ်မြေ စီမံအုပ်ချုပ်ခြင်းစနစ်ဆိုင်ရာနှီးနှောဖလှယ်ပွဲထုတ်ပြန်ကြေငြာချက်

“ ဒို့ကော်၊ ဒို့ရဲ့ဘ၀၊ ဒို့ရဲ့အနာဂတ်”

၂၀၁၉ ခုနှစ်၊ မေလ ၃၀ ရက်။

Group photo of participants in “ Kaw” (customary) Land Seminar; taken on 30 May 2019

၂၀၁၉ ခုနှစ်၊ မေလ(၂၉) ရက်မှ (၃၀) ရက်နေ့အထိကျင်းပပြုလုပ်သော “ ကော်” ရိုးရာဓလေ့နယ်မြေစီမံ အုပ်ချုပ်ခြင်းစနစ်ဆိုင်ရာ နှီးနှောဖလှယ်ပွဲကို ဒေသခံလူမှုအသိုင်းအ၀ိုင်းများနှင့် အရပ်ဖက်လူမှုအဖွဲ့အစည်းများ၊ အလှူရှင်များ၊ နိုင်ငံတကာအစိုးရမဟုတ်သည့်အဖွဲ့အစည်းများ၊ နိုင်ငံရေးပါတီများ၊ ကေအဲန်ယူ – ကရင်အမျိုး သားအစည်းအရုံးမှ ခေါင်းဆောင်များအပါအ၀င် အဖွဲ့အစည်းပေါင်း (၅၆) ဖွဲ့မှ ကိုယ်စားလှယ်ပေါင်း (၅၁၉) ဦး သည် ကေအန်ယူ – ကရင်အမိျုးသားအစည်းအရုံး ဘားအံခရိုင်၊ လေးဝါးတွင် ကော်သူးလေဒေသတွင်း တည်ရှိနေသော “ ကော်” ရိုးရာဓလေ့နယ်မြေစီမံအုပ်ချုပ်ခြင်းစနစ်၏ ရင်ဆိုင်နေရသောလက်ရှိစိန်ခေါ်မှုများနှင့် “ ကော်” ရိုးရာဓလေ့နယ်မြေစီမံအုပ်ချုပ်ခြင်းစနစ်အား ပိုမိုအားကောင်းခိုင်မာလာစေရန်၊ အနာဂတ်တွင်အဖွဲ့အစည်း အသီးသီးနှင့်ပူးပေါင်းဆောင်ရွက်မှုအားကောင်းလာစေရန် နည်းလမ်းများကို ဆွေးနွေးခဲ့ကြသည်။

“ ကော်” ရိုးရာဓလေ့နယ်မြေစီမံအုပ်ချုပ်မှုသည်စုပေါင်းပိုင်ဆိ်ုင်ခြင်း၊ စုပေါင်းအသုံးပြုခြင်း၊ စုပေါင်းလိုက်နာဆောင် ရွက်ခြင်း၊ စုပေါင်းထိန်းသိမ်းကာကွယ်စောင့်ရှောက်ခြင်းကို အခြေခံသည့် မြေ၊ ရေ၊ သစ်တောနှင့် သဘာ၀ သယံဇာတအရင်းအမြစ်များကို ရေရှည်တည်တံ့စေရန်စီမခံ န့်ခွဲခြင်းအပါအ၀င် ဓလေ့ထုံးတမ်းတရားစီရင်ခြင်း၊ ရိုးရာယဉ်ကျေးမှုထိန်းသိမ်းခြင်း၊ ဓလေ့ထုံးတမ်းကိုးကွယ်ယုံကြည်ခြင်း၊ ဇီ၀မျိုးစုံမျိုးကွဲနှင့် ဂေဟစနစ်ကို တန်ဖိုး ထားခြင်းစနစ်များပေါင်းစပ်ထားသောအုပ်ချုပ်မှုစနစ်များပါ၀င်သည်။

ထို့ပြင်” ကော်” ရိုးရာဓလေ့နယ်မြေစီမံအုပ်ချုပ်မှုစနစ်တွင် မည်သည့်ပြင်ပသြဇာသက်ရောက်မှု တစ်စုံတစ်ရာမျှ မရှိဘဲ ကိုယ်ပိုင်ပြဌာန်းခွင့်အပြည့်အ၀ဖြင့် ကောင်းမွန်သည့် ဒေသန္တရ နယ်မြေစီမံအုပ်ချုပ်ခြင်း၊ တရားစီရင်ခြင်း စနစ်များရှိသည်။” ကော်” ရိုးရာဓလေ့နယ်မြေစီမံအုပ်ချုပ်မှုစနစ်သည် တည်ငြိမ်အေးချမ်းမှုကိုဖြစ်စေပြီး ဌာနေ တိုင်းရင်းသားများ၏အခွင့်အရေး၊ ငြိမ်းချမ်းရေးနှင့် အနာဂတ်ဖက်ဒရယ် ဒီမိုကရေစီ ပြည် ထောင်စုစနစ်အား တည်ထောင်ရာတွင် အထောက်အကူပြုစေသော ကိုက်ညီသည့်စနစ်ဖြစ်သည်။

ထို့ကြောင့် မြေ၊ သစ်တော၊ ရေနှင့် သဘာ၀သယံဇာတအရင်းအမြစ်များ ရေရှည်တည်တံ့ရန် စုပေါင်းလိုက်နာ၊ ထိန်းသိမ်းကာကွယ်စောင့်ရှောက်ခြင်းကိုအထူးပြုသည့် ကရင်ဓလေ့” ကော်” စီမံအုပ်ချုပ်မှုစနစ်ဆက်လက်တည် တံ့ခြင်းအလို့ငှာ ကေအဲန်ယူကရင်အမျိုးသားအစည်းအရုံး၏ မြေယာမူဝါဒနှင့် သစ်တောမူဝါဒတွင် အသိအမှတ် ပြုထားပြီး စီမံအုပ်ချုပ်မှုစနစ်ကောင်းမွန်စွာ ပြန်လည်ဖွ့ံဖြိုးရန်နှင့် ထိရောက်စွာထိန်းသိမ်းကာကွယ်ထားရန်

လိုအပ်ပြီး ယနေ့ကာလအခြေအနေနှင့်လိုက်လျောညီထွေမှုရှိမည့် “ ကော်” ရိုးရာဓလေ့မြေစီမံအုပ်ချုပ်စနစ်တရပ်် ပေါ်ထွန်းရန် ကေအဲန်ယူကရင်အမျိုးသားအစည်းအရုံးမှ လုပ်ငန်းစီမံချက်များချမှတ်၍ အကောင်ထည် ဖေါ်ဆောင်ရွက်လျက်ရှိသည်။

၂၀၁၅ ခုနှစ်မှ ၂၀၁၈ ခုနှစ်အထိ သုတေသနလေ့လာချက်အရ ကော်သူးလေနယ်မြေတွင် “ ကော်” ရိုးရာဓလေ့ နယ်မြေစီမံအုပ်ချုပ်မှုစနစ် (၁၉၈) ကော်ရှိပြီး ထိုကော်များထဲမှ ကော် (၃) ကော်အား အသေးစိတ်လေ့လာမှု ပြုလုပ်ခဲ့ပြီးနောက်တွင် သုတေသနတွေ့ရှိချက်များအရ “ ကော” ် ရိုးရာဓလေ့နယ်မြေစီမံအုပ်ချုပ်မှုစနစ်သည် အလွန်ကောင်းမွန်ပြီး ခေတ်စနစ်နှင့် ကိုက်ညီနေဆဲဖြစ်သည်ကို တွေ့ရှိရသည်။

“ ကော်” ရိုးရာဓလေ့နယ်မြေစီမံအုပ်ချုပ်မှုစနစ်အပါအ၀င် တိုင်းရင်းသားများ၏ဓလေ့ထုံးတမ်းပေါ် အခြေခံသည့် စုပေါင်းမြေယာပိုင်ဆိုင်ကျင့်သုံးမှုစနစ်များကို ဖိနှိပ်ဆန့်ကျင်နေပြီး လက်ရှိငြိမ်းချမ်းရေးတည်ဆောက်မှု၊ အနာ ဂတ်ဖက်ဒရယ်တည်ဆောက်မှုနှင့်ကိုက်ညီခြင်းမရှိသည့် မြန်မာနိုင်ငံအစိုးရ၏ မြေလွတ်၊ မြေလပ်၊ မြေရိုင်း စီမံ ခန့်ခွဲမှုဥပဒေအပါအ၀င် အခြားမြေနှင့်ဆိုင်သည့်ဥပဒေများအား ဖျက်သိမ်းခြင်း၊ နှင့်ပြန်လည်ပြင်ဆင်သုံးသပ်ခြင်း များပြုလုပ်ရန် တိုက်တွန်းသည်။ ထို့အပြင် ငြိမ်းချမ်းရေးတည်ဆောက်မှုကို သော်လည်းကောင်း၊ ကော်ရိုးရာ ဓလေ့မြေယာစီမံအုပ်ချုပ်ခြင်းကိုသော်လည်းကောင်း အဟန့်အတားဖြစ်စေမည့် မြေတိုင်းဥပဒေ(မူကြမ်း)ကို ဆန့်ကျင်ကန့်ကွက်ပါသည်။

သို့ဖြစ်ပါသောကြောင့် ကေအဲန်ယူကရင်အမျိုးသားအစည်းအရုံးအုပ်ချုပ်မှုနယ်မြေအတွင်း ကေအဲန်ယူမြေယာ နှင့် သစ်တောမူဝါဒနှင့်အညီ လွတ်လပ်စွာစီမံခန့်ခွဲခွင့်နှင့် “ ကော်” ရိုးရာဓလေ့နယ်မြေစီမံအုပ်ချုပ်မှုစနစ်အား ပိုမိုအားကောင်းခိုင်မာလာစေရန် ထိရောက်စွာဆက်လက်အကောင်အထည်ဖော်ဆောင်ရွက်ရန် ခိုင်မာသည့် သံန္နိဌာန်ချထားကြာင်းဤနှီးနှောဖလှယ်ပွဲမှထုတ်ပြန်ကြေငြာအပ်ပါသည်။

ဆက်သွယ်ရန်
ပဒိုမန်းဘထွန်း –              +၆၆ ၆၁၃၄၅၀၅၃၃
ပဒိုစောနေသဘလေး –   +၆၆ ၉၇၃၅၀၃၄၁၀
စောသူးကဘီး –             +၉၅ ၉၇၈၅၁၇၅၈၇၄

သဘောထားကြေညာချက်ကို အင်္ဂလိပ်ဘာသာမြန်မာဘာသာ များဖြင့် ရယူနိုင်သည်။