တပ်မတော်၏အာဏာသိမ်းမှုအား ဆန့်ကျင်ရှုတ်ချခြင်း

၂၀၂၁-ခုနှစ်၊ ဖေဖော်ဝါရီလ (၂)ရက်

၂၀၂၁-ခုနှစ်၊ ဖေဖော်ဝါရီလ (၁)ရက်နေ့တွင် ဖြစ်ပွားခဲ့သော အာဏာသိမ်းမှုအား နိုင်ငံတော်သစ္စာဖောက်မှု၊ လက်နက်ကိုင်အကြမ်းဖက်မှု အဖြစ်သတ်မှတ်ပြီး အပြင်းအထန် ဆန့်ကျင်ရှုတ်ချသည်။

စစ်ဘုရင်ဝါဒနှင့် ဘာသာရေး/လူမျိုးရေးဝါဒကိုအခြေပြု၍ ဖြစ်လာသည့် ဖက်ဆစ်အာဏာရှင်စနစ်အား မိမိတို့အနေဖြင့် အပြင်းအထန် ဆန့်ကျင်ကန့်ကွက်သည်။

ဖမ်းဆီးထားသည့် နိုင်ငံရေးသမားများကိုလွှတ်ပေးရန်နှင့် ဖမ်းဆီးခံထားရသော တရားစွဲခံထားရသော တောင်သူ လယ်သမားများအားလုံး ခြွင်းချက်မရှိလွှတ်ပေးရန် ကျွန်ုပ်တို့တောင်းဆိုသည်။

မိမိတို့အနေဖြင့် ဒီမိုကရေစီနှင့်လူ့အခွင့်အရေးအတွက် တိုင်းရင်းသားပြည်သူလူထုနှင့်အတူ လက်တွဲ ကာကွယ်သွားမည်။

ဖက်ဆစ်စစ်အာဏာရှင်စနစ် အပြီးတိုင်ကျရှုံးရေးနှင့် ၂၀၀၈-ဖွဲ့စည်းပုံအခြေခံဥပဒေဖျက်သိမ်းရေးအတွက် တိုင်းရင်းသားပြည်သူလူထုနှင့်အတူ စုပေါင်းလက်တွဲကာ နည်းလမ်းပေါင်းစုံဖြင့် ဆန့်ကျင်သွားမည်။

“ ဖက်ဆစ်စစ်အာဏာရှင်စနစ်ကိုဆန့်ကျင်ကြ၊
ဖက်ဒရယ်ဒီမိုကရေစီ ပြည်ထောင်စုစနစ်ကို တည်ဆောက်ကြ”

ဒို့မြေကွန်ရက် (Land in Our Hands)

ပြန်စာထားခဲ့ပါ။