တောင်သူလယ်သမားနေ့ (၂၀၂၃)

၂၂ ဒီဇင်ဘာ ၂၀၂၃

ဒို့မြေကွန်ရက်သည် နှစ်စဉ်နှစ်တိုင်း ဒီဇင်ဘာ(၂၂)ရက်နေ့တွင် အောက်ပါရည်ရွယ်ချက်များဖြင့် တောင်သူလယ်သမားနေ့ကို ဆင်နွဲပြုလုပ်လေ့ရှိပါသည်။

ဖက်ဒရယ်စနစ်အား ရိုက်ချိုးခဲ့ပြီး တိုင်းရင်းသားပြည်သူများအား သတ်ဖြတ်ခဲ့သည့်နေ့ကို တောင်သူလယ်သမားနေ့အဖြစ် လက်မခံဘဲ တောင်သူလယ်သမားအရေးတော်ပုံစတင်ခဲ့သည့် ဒီဇင်ဘာ(၂၂)ရက်နေ့အား တောင်သူလယ်သမားနေ့အဖြစ် သတ်မှတ်နိုင်ရန်။
အာဏာရှင်စနစ်အပါအဝင် မတရားမှု၊ ဖိနှိပ်မှုအသီးသီးကို ခေတ်အဆက်ဆက် အသက်ပေးခဲ့ကြသည့် တောင်သူလယ်သမား အာဇာနည်များ၊ ယနေ့အချိန်ထိ တော်လှန်နေကြဆဲ တောင်သူ လယ်သမားများနှင့် မြေယာအရေးလှုပ်ရှားသူများအား ဦးညွတ်အလေးပြုနိုင်ရန်။
မြေယာလက်ဝါးကြီးအုပ်ခြင်း၊ အတင်းအဓမ္မသိမ်းယူခြင်း၊ ရိုးရာဓလေ့မြေအသုံးချမှုများအား ဖျက်ဆီးခြင်း၊ ဖက်ဒရယ်စနစ်နှင့် ဆန့်ကျင်သော လုပ်ထုံးလုပ်နည်းအသုံးပြုခြင်းများ ရပ်တန့်သွားသည်အထိ တိုက်ပွဲဝင်မည်ဖြစ်ကြောင်း ကတိပြုနိုင်ရန်။

တောင်သူလယ်သမားနေ့ သမိုင်းအကျဉ်း

ဖက်ဒရယ်နိုင်ငံသစ်ဆီသို့ ချီတက်နိုင်ရေးနှင့် ဖွဲ့စည်းပုံအခြေခံဥပဒေပြင်ဆင်ရေး လူမျိုးပေါင်းစုံနှီးနှော ဖလှယ်ပွဲကြီး ပြုလုပ်နေစဉ် ၁၉၆၂-ခုနှစ် မတ်လ(၂)ရက်နေ့ အာရုဏ်မတက်မီအချိန်၌ အာဏာရှင်ဗိုလ်ချုပ်နေဝင်းက စစ်အာဏာသိမ်းခဲ့ပြီး တိုင်းရင်းသားပြည်သူလူထုများကိုသတ်ဖြတ်ခဲ့သည်။ အဆိုပါနေ့ကိုပင် တောင်သူလယ်သမားနေ့အဖြစ် သတ်မှတ်ခဲ့သည်။ ထိုသို့ ဖက်ဒရယ်ရည်မှန်းချက်များအား ရိုက်ချိုးခဲ့ပြီး တိုင်းရင်းသားပြည်သူများအား သတ်ဖြတ်ခဲ့သည့်နေ့ကို တောင်သူလယ်သမားနေ့အဖြစ်သတ်မှတ်ခြင်းကို တော်လှန်ရေးအင်အားစုများနှင့် နိုင်ငံရေး အင်အားစုအသီးသီးက လက်ခံနိုင်ခြင်းမရှိပါ။ သို့ဖြစ်ရာ တော်လှန်ရေးခေါင်းဆောင် (သုပဏ္ဏကဂဠုနရာဇာဘွဲ့ခံ) ဆရာစံက ကိုလိုနီနယ်ချဲ့စနစ်အား စတင်တော်လှန်ခဲ့သည့်သည့် ၁၉၃၀-ခုနှစ်၊ ဒီဇင်ဘာ(၂၂)ရက်နေ့ကို တောင်သူလယ်သမားနေ့အဖြစ် အသိအမှတ်ပြု ကျင်းပခဲ့ကြသည်။ ၂၀၁၉-ခုနှစ်၊ ဒီဇင်ဘာလ(၂၁-၂၂)ရက်နေ့များတွင် ပြုလုပ်ခဲ့သည့် တောင်သူ လယ်သမားညီလာခံတွင် နိုင်ငံအဝှမ်းမှ တောင်သူလယ်သမား အင်အားစုအသီးသီး၏ သဘောထားများကို ရယူကာ ဒီဇင်ဘာ(၂၂) ရက်နေ့ကို တောင်သူလယ်သမားနေ့အဖြစ် ထပ်မံအတည်ပြုခဲ့ကြသည်။

[ဘာကြောင့် ဒီဇင်ဘာ(၂၂)ရက်နေ့က တောင်သူလယ်သမားနေ့ဖြစ်ရတာလဲ – https://www.youtube.com/watch?v=Rt4Rfrx97bI]

မိတ်ဘက်များနှင့် တော်လှန်ရေးခေါင်းဆောင်များထံမှ သတင်းစကားများ

၁။ တောင်သူ့လွတ်မြောက်ရေးအင်အားစု

၂။ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (မကဒတ)

၃။ ကရင်နီအမျိုးသားများကာကွယ်ရေးတပ်ဖွဲ့ (KNDF)

ကရင်နီအမျိုးသားများကာကွယ်ရေးတပ်ဖွဲ့ (KNDF) ဒုစစ်ဦးစီးချုပ် မာဝီ၏ သတင်းစကား(ရုပ်/သံ)ကို ကြည့်ရှုနိုင်ပါသည်။
https://www.facebook.com/watch/?v=345675428214550

၄။ လူမျိုးပေါင်းစုံအထွေထွေသပိတ်ကော်မတီ (GSCN)

၅။ စစ်အာဏာရှင်ဆန့်ကျင်ရေးလူထုလှုပ်ရှားမှု (AJMM)

၆။ တိုးတက်သောမွတ်စ်လင်မ်လူငယ်အစည်းအရုံး (PMYA)

၇။ လူ့ဘောင်သစ်ဒီမိုကရက်တစ်ပါတီ

၂၀၂၂-ခုနှစ် တောင်သူလယ်သမားနေ့လှုပ်ရှားမှု

၂၀၂၃-ခုနှစ် တောင်သူလယ်သမားနေ့အထိမ်းအမှတ် အခမ်းအနားအစီအစဉ်ကို Youtube တွင် နားဆင်နိုင်ပါသည်။